林鄭自認銅芯口罩洗得多鬆咗，鼻孔幾近外露。(黃偉邦攝)
政府早前向市民派發銅芯抗疫口罩，坊間一直都有唔少聲音指銅芯口罩防禦力不足，清洗又麻煩。點知就連理應帶頭支持自家出品嘅行政長官林鄭月娥都倒自己米，話銅芯口罩麻麻哋，唔知係咪因為洗得多鬆咗咁話喎！
林鄭今朝(23日)喺行政會議前見記者，睇得出佢戴嘅銅芯口罩有啲鬆，一直都就嚟跌低過個鼻，仲曾兩度露出鼻窿。搞到佢都忍唔住發發吓言同記者講：「今日個口罩麻麻哋，可能洗得多鬆咗啦」，之後仲伸手整個口罩同除口罩飲水。
唔單止唔撐自己嘅銅芯口罩，林鄭對禁聚令限期睇嚟都唔係好清楚。有記者問到佢7月1日前禁聚令會唔會結束，林鄭就有啲猶豫咁話禁聚令有效期應該係去到7月2日嘅，仲一度要問同事係咪7月2日到期，再話「係囉禁聚令係兩個星期14日嘅」。
來源 source: http://hk.on.cc
|
鍾意就快D Share啦！
|
|
|