因為肺炎疫情影響的香港影視業冰封近半年，最近開始陸續開工，由黃百鳴監製，東方影業投資的劇情電影《焚身》，今日於上水舉行開鏡拜神儀式，出席演員包括鄭嘉穎、陳靜（DaDa）、朱晨麗、羅蘭及小演員黃嗣舜等。故事劇情講述飾演醫生的鄭嘉穎擁有幸福家庭，朱晨麗飾演其太太，卻被癡戀鄭嘉穎的DaDa介入其婚姻，鄭嘉穎因出軌導致家庭破裂，兼受生命威脅。
鄭嘉穎表示，在戲中演爸爸及老公角色，他透露DaDa在戲中有精神病問題：「出軌導致破壞自己家庭幸福，齣戲係拍畀廣大男人睇，畀佢哋有所警惕。」嘉穎與DaDa有激烈親熱戲，嘉穎指電影尺度當然比電視大，自己亦向太太陳凱琳（Grace）預告，鄭嘉穎說：「Grace係演員，佢都好明白。」
Grace最近再度懷孕，再榮升爸爸的嘉穎表示，他很關注太太及胎兒安全：「都想Grace盡量少出街，但係佢嘅性格唔係好停得，相信佢自己有分寸，佢嚟緊會有工作要出嚟。」嘉穎指囝囝年紀還少，未懂自己會做哥哥，嘉穎說：「佢唔知咩事，仲講緊外星人話，我哋都擔心佢唔小心拍落媽咪個肚度。」對於太太預產期，以及今胎是男是女，嘉穎稱待Grace親自公佈。此外嘉穎表示不清楚Grace與無綫何時約滿，至於會否幫老婆拍劇還劇債，嘉穎指世界沒這樣的事情，他只說自己不排除何時返無綫拍劇。
黃百鳴今次逆巿開戲，他說除了拍攝《焚身》，還有另一部《G風暴》已經拍攝完畢，他說：「過年前已拍咗大部份，尚欠一場大場面，因為疫情，延遲至最近先拍攝完成，希望今年年底上畫，逆市開戲冇壓力，希望多啲工開大家有工作。」另外，黃百鳴透露一齣10間電影公司合拍的抗疫電影，現在已經拍攝進行中，所有詳情交由One cool宣佈。
DaDa透露今次在戲中飾演一個癡情婦，為鄭嘉穎做很多不可理喻的事情，DaDa說：「為咗爭鄭嘉穎，跟朱晨麗有打交戲，勁過扯頭髮，自己做好多令嘉穎難堪嘅事，其中有一場戲都性感嘅，要淋雨濕身透視。」而飾演鄭嘉穎老婆的朱晨麗表示，知道加了一場夫妻親熱戲，朱晨麗說:「兩夫妻親熱戲做乜都得，同DaDa打交場戲都好精彩。」
採訪：張明、攝影：林賓尼
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
