有時緣份到，真係擋都擋唔住！46歲馬國明與33歲湯洛雯近日高調晒愛，拍拖4個月已見家長，馬明更大讚湯洛雯易滿足，份人要求好簡單，睇嚟湯洛雯好大機會升呢做「馬太」。馬國明一向被大台小花視為筍盤，今日有報道指，原來契妹唐詩詠同陳思銘甩拖半年後，曾經吼實馬明，更有指她當馬明係兵，有傳一班「鐵馬兄弟」鄭嘉穎、林子善及黃嘉樂亦想撮合單身嘅馬明同唐詩詠，當初一班兄弟都以為二人有機會發展戀情，未想到馬國明與湯洛雯拍拖一事卻瞞着一班兄弟。
黃心穎、唐詩詠錯過「筍盤」馬明，而近日馬明舊愛胡定欣，亦返大台拍劇，跟馬明及唐詩詠搞三角戀。胡定欣當年跟馬明拍拖2年，因性格不合而分手，情路崎嶇，至今仍然單身。已兩年冇拍劇的胡定欣，自2017年拍完《包青天再起風雲》，一度有傳拎兩屆視后的她想離巢外闖，英皇及天下一曾跟胡定欣傾合作，曾有指胡定欣於2020年約滿TVB，並將轉投古天樂旗下公司準備出新歌及拍戲。但人算不如天算，最近隨着中美因貿易協議爭執、武漢肺炎影響經濟，大陸影視業受重挫，為保障大陸藝人飯碗，大陸對港台藝人更加排擠，推出限薪令和大幅加稅，政治打壓越來越嚴重，昔日離棄大台的藝人，紛紛返大台拍劇，想喺大陸再次撈到盤滿砵滿並唔容易，難怪胡定欣要死死氣返大台拍劇。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
