武漢肺炎肆虐，各處都變成高危地方。九龍城裁判法院今早審理去年8月3日，9名男女在旺角涉非法集結案件，開庭1小時，裁判官突然通知庭內人士，有法庭保安的家人初步確診，而該保安曾行經審理案件的樓層，裁判官立即暫停是日審訊，要求同層的工作人員，以至到庭旁聽的數十名人士亦要即緊急撤離該樓層。
今日《蘋果》接獲一位法律團隊人員爆料，指朱千雪（Tracy）的師傅Catherine K.K.Wong是其中一名被告的代表大律師，每次開庭朱千雪都有現身。「佢今日唔喺度，但之前10幾日都係跟緊呢單case，而個保安係負責8樓，成日行來行去，有時亦會進入庭內，所以大家都好擔心，唔知自己會唔會中。」他直言不明白司法機構為何不全面暫停審理案件，他說：「其實真係好危險，今日個庭有3、40人喺裏面，預咗有人出事，之前(爆疫)都肯停，但今次就冇，好多律師都唔明。仲要裏面衞生環境好差，廁所好dirty，啲門亦唔會有人消毒。」
朱千雪今日回覆傳媒時表現淡定：「我冇事呀，謝謝關心！I was not there today. I am safe, thank you! 」她表示暫時無需要進行檢測。32歲的朱千雪去年結婚後淡出幕前，早前在香港城市大學完成法律博士課程後，今年6月開始於金鐘一間著名律師樓做大律師實習生，為期3個月，至8月31日。朱千雪曾相約麥明詩一齊慶祝生日，二人都是港姐出身，再由演員轉職做律師，人生經歷相近，可謂惺惺相惜。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|