提名人肥媽謝絕拜候
身為海外佳麗謝嘉怡提名人的藝人肥媽（Maria Cordero），昨日接受本報訪問，稱因丈夫有重病，屬於長期病患者，加上疫情嚴重，所以她和丈夫盡量少出外，甚至謝絕謝嘉怡探訪：「佢有打過電話畀我，話想嚟拜候吓我先，但我屋企有個病人，我老公咁嘅環境，我都盡量唔見人，惟有拒絕佢，我都好唔好意思。」她表示兒子是謝嘉怡父親的好友：「我提名啫！我又冇選過港姐，畀唔到意見，係要靠佢自己闖。我知佢舊年話想參加港姐，但想讀埋書先，佢好靚，好乖好純，又有禮貌。」
另外，日前肥媽網晒家中特大廚房，自爆有4個雪櫃及2個爐頭，由於是「一家之煮」，所以非常重視廚房設備，期間見她打開雪櫃全部塞滿食物，而其他雪櫃則分別專門放肉類及調味料等，更稱食物存量足夠一家人食兩個月。她解釋非因疫情而大量儲糧，因曾經歷1967年暴動後深明儲糧重要性，故養成儲至少一個月糧的習慣。
來源 source: http://orientaldaily.on.cc
|
鍾意就快D Share啦！
|
|
|