24歲歌手施匡翹確診武漢肺炎，有網上討論區瘋傳，指施匡翹於留院期間要求醫院在其膳食中加鹽，原因是她相信「食鹽可以對抗肺炎」，不少網民留言批評施匡翹「冇常識」，擔心食得太多鹽會有腎病。今天她在隔離營開IG直播，其間有談到加鹽事件，她覺得大家不了解事實嘅真相：「食鹽太搞笑，大家都唔明白事實嘅真相，起初我好介意，但後來我都接受，唔理就得。」
施匡翹又指她本身沒有武漢肺炎的病徵，沒有咳也沒有感冒病徵，她分享在住院期間的經歷：「最可怕係連感冒嘅感覺都冇，呢樣係最可怕嘅事。我見過同房嘅病人，咳得好辛苦，但我就冇咳。所以大家真係唔好再周圍去，唔好覺得唔關大家事。」
施匡翹更分享知道自己確診的感受：「覺得難以置信，覺得自己好健康，諗住唔會中，又冇唔舒服，醫生係打電話畀我。之後安排我入院，一入院就收到大量電話，傳媒問我好多嘢，但我都識答，當時我要面對個病，所以都唔知點答大家。」她又指自己也因為確診而喊過幾次。
施匡翹在直播中，多次感謝醫護人員的偉大，覺得他們很辛苦，因為全身防護裝備加上外面沒有冷氣，更指可以看到他們的手套也在流汗，所以多感謝醫護人員的辛苦。她也因為這次經歷明白人生無常：「令到個人好珍惜所有嘢，人生實在太無常，有咩想講嘅嘢一定要講咗先，因為唔知人生係點，太無常。」她又強調要保持正能量，鼓勵大家要正面面對。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|