臥病牀煲舊作《老表》笑爆嘴 細細粒入院呻36小時無食嘢
「重量級」藝人細細粒（陳嘉佳）早年曾公開體重達230磅，仲揚言不會刻意減磅，繼續享受生活，所以經常於社交網晒美食照，不過，上月中趁端午節才貼出媽咪「愛心靚糭」的她，唔夠兩個禮拜便「入廠」了！細細粒今日於IG上載了幾張相，身在醫院的她手背插上針，並臥病在牀，其中一張相更影到其手臂長滿紅色點點，未知想表達患皮膚病？抑或插針插到又紅又瘀呢？細細粒寫道：「陳小姐阿，你要健康D（啲）啦，好耐無試過36小時無食野（嘢），麻煩等陣整個九大簋比我食。 #好肚餓 #好好肚餓 #好好好肚餓」不少圈中好友都留言慰問，吳沚默、劉思希亦紛紛問她乜事？細細粒僅回覆：「Check緊。」
其後她再更新IG，又貼出在醫院睇主演劇《老表，你好hea！》，細細粒笑謂：「係（喺）醫院睇老表，笑到隔離牀係甘（咁）叫細細粒，又係一次重溫老表你好Hea」她仲跟電視機中的自己Selfie，好在見細細粒都幾精神，應該身體冇乜大礙啩。
來源 source: http://hd.stheadline.com
|
鍾意就快D Share啦！
|
|
|