由鄭丹瑞（阿旦）擔任創作顧問、「金牌製作人」蕭潮順做製作顧問的音樂劇《我們的青春日誌》，先後於2018年試演和2019年首演，該劇再於上月公演，直至今日是演出的第50場，向海嵐、關寶慧、賈思樂等亦有到場欣賞。
謝幕時，身兼監製及執導的陳恩碩宣佈加場至8月30日，總共60場，他感激阿旦的支持，阿旦表示：「我喺陳恩碩身上睇到自己年輕嘅時候，喺嚴校長（劇中其中一個角色）身上睇到我而家，呢班年輕人令我好感動，之前我搵咗陳恩碩，問佢可唔可以幫我寫《小男人週記》音樂劇，其實我講笑，但係過咗一個禮拜，佢寫咗5首歌畀我，你哋要唔要睇呀？」
當大合照時，有份演出的譚永浩提議大家做「5」、「0」手勢，未知大家是否覺得這個手勢有點敏感，所以大家未有理會，其女友杜小喬似乎想解圍，示意大家可以豎起手指公，但身旁的歐陽偉豪（Ben Sir）則笑說：「你咁樣，我做個『5』手勢會好令人誤會㗎喎！」
事後Ben Sir解釋：「我意思係覺得呢啲嘢係在心中。」導演宣佈加場，Ben Sir笑言要再傾酬勞，但他指自己原來甚有戲癮，譚永浩笑說：「導演話Ben Sir今日好似一匹野馬。」
對於這齣音樂劇，撮合了杜小喬和譚永浩，兩人表示很有紀念價值。Ben Sir笑指：「我見證住佢哋拍拖，有次喺銅鑼灣，我𥄫到佢哋㗎！」
提到Ben Sir在社交平台不時會發表個人意見，如今香港已經實施「港版國安法」，問他會否擔心言論自由空間收窄？Ben Sir說：「有咗呢個法例，自不然會規限咗我哋嘅言論，如果就我哋創作人嚟講，我到而家都未感受得到，我自己都唔係咁激進，所以此時此刻我未有恐懼，但都要提醒自己，因為呢個法例由冇變有，都要驚，例如導演話4拍，你唔可以多1拍，所以我頭先唱歌，左手打緊拍子，我不期然被呢個4拍規限住，咁我又唔會被呢啲拍子禁住我嘅自由。」
此外，去年曾有份演出的關寶慧，她表示因為社會運動，有些人買了飛都未能到場欣賞，她說：「太兵荒馬亂，所以希望國泰民安啦，所有戲都做到」向海嵐透露曾獲陳恩碩邀請飾演校長一角，但可惜被她拒絕，她笑說：「因為其中一句歌詞係『現在我60多歲……』，我話我唔做60幾歲㗎，但佢話改唔到，我好介意個數字。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|