富商「劉公子」劉定成7.1下午現身銅鑼灣時，被警方突擊拘捕，同場還有擺街站的人民力量立法會議員陳志全（慢必）及人民力量副主席譚得志（快必）等人。
劉公子在北角警署扣查期間，昨日凌晨感到心痛不適，被送往東區醫院羈留病房接受治療，劉公子昨晚獲警方通知可用500元保釋，須於7月16日返回北角警署報到。劉公子今午12時經醫生批准下，由助手接出院返家。
《蘋果》今日聯絡劉公子，他講述當日被捕情況：「7.1嗰日我睇到林卓廷呼籲喺銅鑼灣百德新街擺街站賣獎券，我去影相啫，點知警方突然兩邊包抄拉起封鎖線，巿民無路可逃，有人走入七仔，有人走入實惠，警方追入去捉人，附近服裝店同電器店又落閘，我就係咁被拉咗去，警方冇搜我袋就話告我非法集結。」
劉公子記得當日下午2時許就被送到北角警署，他與其他被捕巿民在等候落口供，他稱大約晚上9時許，已完成落口供和打手指模程序，但都不准離開。每次問警方可唔可以打電話給親人，一直拖延叫他等，之後他又白等幾小時。劉公子說：「警方一直和你拖，我肚餓又冇嘢食，即使助手查到我喺北角警署，佢話唔係直系親屬或遺產繼承人就唔准送食物入去，大約凌晨12點我話唔舒服，我要食血壓藥，又唔准食，佢哋就安排我坐白車去東區醫院。一直求助無援，似等死。」昨早5時許助手才知劉公子入院，他護主心切就買早餐送醫院，劉公子留院一日，昨晚警方到醫院為他辦保釋手續。
劉公子人雖然獲准保釋，但拘捕時穿衣服鞋襪全部要留下，甚至手機至今都扣查。他續說：「警方要我換佢啲衫褲同拖鞋，我肉在砧板上，一定要換，受苦嘅係自己，否則唔准走。手機冇得拎走，淨係畀番機套我，而家我冇手機用。」劉公子形容這個經歷：「永世難忘嘅7.1。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
