- 【拍拖一年半】裕美問有冇背着她溝女 林作：我就係鍾意佢夠簡單
- 19分鐘前
林作跟裕美公開戀情後接受訪問，林作說話多，裕美難得發表，不過兩人都互相欣賞。
林作開首便講問題核心，他認為要用「一針見血」方法才可解決林母和女友之間矛盾。聽完林作的策略解說，裕美讚嘆：「佢講得咁好，我仲可以講咩。」
男朋友說話句句入心，要裕美說兩人第一次見面，她自言印象一般，不過林作的一番話卻留下深刻印象。林作說追女招數也是要一擊即中：「追女仔一定要留低最強烈第一次印象，呢個印唔需要係好嘅，但一定要強烈，要佢返屋企一直諗起你就可以，佢可以好憎你，但一定要成晚諗你。我第一次認識佢好似喺一間酒吧，喺娛樂公司經理人聚會。佢當時好似話自己有男朋友，我叫佢同男友分手，同我一齊算啦。我話男未婚，女未嫁，要揀一定揀最好。」
不過當日裕美似乎反應不大，她說：「你聽完佢講嘢，點會當真？同埋一個咁瘋癲男仔，點會覺得佢係認真。」
林作就馬上以羅密歐與茱麗葉的愛情故事為例加註釋：「人生苦短，所以我覺得why not!」
- 未拍拖前，林作與裕美因工作常碰面。
- 林作與裕美拍拖一年半，二人相處很甜蜜。
- 林作無做律師後曾轉投教育界，之後又入行做藝人，現在又做保險，瓣數很多。
- 13年，裕美與同為基督徒的圈外人林恩浩結婚，可惜婚姻只維持了三年便結束。
- 林作與麥明詩於英國留學時讀名校出身，加上又是學霸，曾被視作金童玉女。
「佢問我會唔會再用心去愛一個人，我覺佢夜闌人靜時，有好多嘢諗。我係好認真咁答佢，好長篇咁回覆佢。我記得佢講過，話認識好少人會覆佢咁長留言。」她說。
真正打動裕美，因為在她口中的「阿作」優點多，心地好：「佢人好好，同埋好細心，亦唔係一個大男人，但係好man，雖然佢行徑唔係好man，但佢寫文章，同你爭論，教你點樣工作，以及老師性格，都係好man。」
林作相信直覺，他以為過去女友受千夫所指包括「出軌」、「家暴」、「整容」等黑歷史，都因為過份簡單而吃虧。缺點也是優點，他十分欣賞：「做人唔應該太高深，有時候合眼緣就係適合，當然相處過，同埋人生經歷多咗，選擇伴侶就係揀一個好人已經可以。佢係一個好人。咩為之『好』？好複雜好多定義。但有幾樣我都好介意，就係做人可唔可以簡單啲？可唔可以唔好咁孤寒？可唔可以唔好咁多瞻前顧後。裕美撞板咁多次，正因為佢份人好簡單，我真係只想要一個咁樣嘅伴侶，唔想要個複雜，我鍾意佢呢方面，可能同佢讀書成績差有關，但呢方面我覺得無問題。」林作說。
互相欣賞又未必能取得完全共識，尤其在婚姻上。
好像林作認為婚姻無聊，縱使他求過婚多次，又送埋戒指。
裕美也了解他的作風：「佢只係玩玩吓，其實求咗一百次都有。」
林作說約兩年前，他飲酒飲到每星期斷片兩至三次，而每次都會做平日不夠膽做的事。求婚是其中之一。
「我覺得兩個人維持好關係最重要，亦係真正重要嘅事，呢方面我絕對唔擔心，我覺得我哋過得幾好。」
他更指趁著有鏡頭見證，問裕美有否受到「家暴」？又沒有「出軌」？裕美又反問他有沒有背着她「溝女」，面對鏡頭，兩個人都輕鬆合拍。 不重視婚姻，問林作會否為女友買保單，他坦言：「二十歲左右，我已經將人生所有保單安排好，一個懂得安排自己人生嘅人，一定會咁樣做，所以近期無改過自己保單。不過仲有一種更簡單做法，就係立遺囑，不過我暫時未寫過遺囑。其實立遺囑隨時可以，有兩位見證人就已經生效，可以隨時寫隨時改。我聽過一個幫富豪做嘢嘅律師講，富豪每次帶一位女友嚟，就寫一份遺囑，當女朋友去洗手間，佢就會撕爛。」
裕美立即拒絕：「咁你唔使寫畀我，我肯定你會撕爛，多此一舉。」
- 林作早前開腔護花，撰長文力撐裕美人格、品行、道德觀近乎完美，是自己遇過最心地善良之人。
- 林作跟裕美公開戀情後接受訪問，林作說話多，裕美難得發表，不過兩人都互相欣賞。
- 裕美說兩人第一次見面，自言對林作印象一般。
----------------------------
全新「和你撐計劃」 專享獨家禮遇 實際行動支持
按此了解更多
----------------------------
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
