2020年7月3日星期五

【死穴】寧返歸做運動陪狗鄭秀文自爆有整牙恐懼症 #鄭秀文

【死穴】寧返歸做運動陪狗鄭秀文自爆有整牙恐懼症

鄭秀文寧願回家做運動及陪伴年老愛犬都唔去睇牙醫。

47歲鄭秀文（Sammi）自從有信仰後，喺主嘅引領下，賜予無窮勇氣，成功跨過抑鬱病患及婚姻危機，唯一死穴原來好怕去睇牙醫。昨晚她喺IG留言自爆：「今天本來去杜牙根，但去到牙醫處，卻有點猶豫，仍未想清楚如何處理這隻壞牙才是最好的。真的很怕整牙。於是我竟然打道回府，先狂爆一埸（場）汗，然後陪著Lucky。然後......仍未決定到如何處理這牙齒。」網民都明白整牙嘅恐懼，但仍然提醒她運動過後，依然要去面對。

其實Sammi初出道時，曾傳過她為咗變靚啲做過「手腳」，用套牙方法整牙，之後亦傳再她喺中環book咗佢嘅相熟牙醫，豪擲30萬港元包場整牙，相比之下，點解𠵱家反而冇咁大勇氣呢？