1984年港姐季軍「波波」唐麗球，當年因甜美外表，在大台有不少演出機會，影視圈發展不俗，於2003年與拍拖十年嘅男友吳毅將結婚後，同年誕下女兒吳梓希（Janelle），她選擇淡出幕前，專心相夫教女，雖然她講明不想復出，不過她卻不時出席慈善活動，近日久未露面的唐麗球，接受開電視節目《開工大吉77》訪問，與好友苑瓊丹話當年，又講吓近況。
56歲唐麗球回想當年因大台拒加人工，她毅然決定離巢，赴台灣拍劇，她指當時大台開出一份合約，「簽5年、6000元1個月，我求他加多500元蚊」，結果遭大台拒絕。唐麗球隻身走到外地，人生路不熟，連台幣也沒換就出發，「第一日唔使拍嘢，覺得肚餓，但係周圍都唔收港幣，最終要等劇組收工過嚟接濟」。
唐麗球於1988年跟莫少聰拍《江湖接班人》演其女友吳天真，當年有一場接吻戲，她笑言烏龍百出：「而家講番都覺得唔好意思，當年第一次拍Kiss戲，唔知點做，於是真係伸脷錫啦，事後阿聰周圍同人講，波波條脷好勁，將噚晚條菜都挑埋出嚟，從此就冇人搵我再拍呢類鏡頭」
苑瓊丹與吳毅將認識多年，當年是電視台同期訓練班同學，一直覺得唐麗球與吳毅將好Sweet，不時通電話報告近況。講到16歲囡囡Janelle原先在加拿大讀書，早前因當地疫情嚴峻而返港，老公亦由大陸回港，一家人在香港短敍幾個月，唐麗球笑自己老年得女，所以好寶貝。
唐麗球1985年與杜德偉相戀，拍拖兩年便分手，之後唐麗球跟演員吳毅將結婚，二人拍拖初期，被形容是「美女與野獸」，因為吳毅將總是粗聲粗氣，多數演奸角，但唐麗球卻讚吳毅將在戲外是一個好丈夫，性格溫柔，就算身在大陸拍戲，多年來面對不少誘惑，卻對老婆唐麗球一條心，結婚17年依然恩愛如昔。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|