「我真係好鍾意聽別人嘅故事，因為每一個故事，都可以影響到唔同嘅人。之前我講過《100層樓的家》嘅故事，亦講過《灰姑娘》嘅故事，嚟到今次精進篇，唔知呢個『精進料理』嘅主人，又會帶一個咩故事畀我哋呢？」
梁詠琪（GiGi）上月推出概念專輯《PRELUDIO》，透過3首歌及6個有教育意義的床頭故事，發放正能量。今次GiGi再以「說書人」身份，將一個被素食改變了人生的故事分享給大家，希望更多人認識素食，同時學習在逆境時保持樂觀。
故事主角是現年46歲的林雲中（Jeffrey），是首個在日本考獲精進料理課程證書的香港人；他97年在日本大學畢業後返港，便加入了無綫藝員訓練班，還參與過拍攝不同劇集。正當以為自己站在星途的開端，身體卻忽然發出警號，甚至幾近步入鬼門關。
Jeffrey形容當年的病情相當嚴重：「讀完書做嘢無幾耐就即刻病，病到唔可以做嘢，去到最後個肚脹晒，生晒毒瘡，胸口又凹晒，腳又黑，醫生不停咁叫你照嘢，我之後飲符水、針灸乜都試，最後有人叫我試吓食素，但初初唔識食，只食碟邊餸，營養唔夠就仲衰，後來認識食咗素好耐嘅人，佢哋教埋我養生，改變生活上嘅壞習慣，再學埋打坐，毒素就自然排走咗！」
GiGi又問Jeffrey何時開始學「精進料理」，Jeffrey表示這是另一件艱苦的事，他說：「嗰時有朋友提議做生意，叫我夾少少，於是我辭職，攞住啲積蓄去日本學，除咗精進料理，仲讀咗好多唔同課程。點知學完返嚟，提議做生意啲人走晒，忽然覺得自己再跌入谷底，於是周圍整畀人食，日日去練習再到後來教班。」
原來GiGi亦是Jeffrey的學生，她說：「因為媽咪食素，自己都受感染，喺屋企都會盡量食素，而家決心比以前大咗，甚至影響到身邊嘅人，一齊學整素食，所以覺得如果有心都唔係太難，接觸到素食係一種福氣。」Jeffrey則解釋「精進料理」，其實是由中國僧人於千多年前傳入日本，意思是不使用任何肉類或海鮮，以五色（白、黄、赤、青、黑）、五味（甘、酸、辛、苦、鹹）及五法（生、煮、燒、炸、蒸）烹調的純素料理，訪問當日GiGi便跟他學煮一道「精進豆乳五色冷麵」。
聽罷Jeffrey的故事，GiGi認為每一個人的故事都有學習的地方，而且Jeffrey故事相當有感染力，希望當大家覺得人生好慘，感到不幸的事為何發生在自己身上時，只要看遠及看闊一點，就會發現世間很多人都在經歷不同的苦，那自己的事就會變得好小事，從而給自己找出路，相信無論幾壞的環境都會過去。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|