2020年7月3日星期五

【型爆】騎住十幾萬懷舊電單車張振朗實現男人的浪漫 #張振朗

【型爆】騎住十幾萬懷舊電單車張振朗實現男人的浪漫

張振朗騎住心愛古董電單車，超開心。

男人愛車，除咗辣跑外，亦有唔少愛好揸電單車，Harley-Davidson粉絲森美同張繼聰等人近期就經常相約揸住部古董電單車遊車河，型到爆。原來張振朗(Owen)即將加入Harley-Davidson電單車團隊，昨晚他喺網上開心Share喜訊，坐住部價值10多萬港元，「20歲」多嘅Bobbed style懷舊電單車留言：「等咗咁耐....我個仔終於都到佢叫『David』。」不過，他回答朋友留言時表示，最快仲有個零月先可以同大家正式見面，估計因為到港需要經過3個政府部門排期驗車批核，才可獲牌出街行駛。

唔少網友話想坐後座兜風，又大讚他好型，連張繼聰都用藐住符號表情讚好，仲有網民留意到他隻「老鼠仔」，指他係型爆大隻仔。至於老友謝東閔留言「Nice」，張振朗即叫他加入，回應道：「join！」有眼利網友看出，指古董電單車似係以前富豪用嘅嗰類型！

之前張振朗透露成功考獲電單車牌，今年3月仲喺無線新劇《踩過界II》度學以致用，首次親身上陣分別載過姜麗文及張曦文，不過，當問他何時會添置座駕時？他竟然話，因為係男人嘅浪漫嘛，所以一定會買嘅，但等疫情過後，手頭鬆動啲先算，女友知他唔會亂飛車，都支持他做鐵騎士，事隔只係4個月，原來他已悄悄在名國訂購愛車回港。近年張振朗受TVB力捧，劇接劇成為劇王，比起以前都搵到桶金嘅。