ViuTV《全民造星》成功捧紅姜濤，並打造了兩隊男子組合MIRROR和ERROR，不過去年《造星II》聲勢卻大不如前，取得冠軍的吳啟洋（Phoebus）、亞軍張天賦（MC）和季軍李祉均（Oscar Li），三人得獎後似是消聲匿跡，不但未見受電視台力捧，甚至有指三人還未與ViuTV簽約。
ViuTV今日在網上宣佈《造星III》由即日起公開招募，但賽制方面就大革新，開放給所有男、女藝人參加。ViuTV指今年受疫情影響，令演藝界面臨嚴峻寒冬，決定疫市下大膽革新，提供平台予有熱誠及潛能，卻苦無資源的已入行演藝人士接受訓練，向廣大觀眾一展所長，給予他們更多曝光機會，讓他們在星途上發光發亮！ViuTV又表示：「全新賽制將開放予有演藝經驗人士參與，任何人士不論來自各大中小娛樂公司、唱片公司、模特兒公司、製作公司及電影公司，不論活躍平台，不論性別，不論個人或組合，只要證明自己是演藝人士均可報名參加《全民造星III》，競逐殊榮！」
但有不少網民留言，一面倒狂踩，直指電視台與其舉行《造星III》，倒不如集中資源力捧MIRROR和ERROR好過：「集中資源畀多啲演出機會Mirror 同Error仲好啦。呢班囝囝咁受歡迎，密集式喺ViuTV出現就wonderful」、「第二季啲人都未捧，開乜春第三季啊？好心啲錢攞嚟投資番第一、二季啲人仲好啦」、「搞演員訓練班好過啦」、「有咁多錢就畀啲MIRROR同ERROR先啦，兩隊都未搞好就搞第三季，之前搞完第二季仲唔知衰咩...」、「應該叫循環再造星」、「唔好搞啦，ERROR都冇budget拍mv啦，仲搞《造星III》，不如畀多啲資源落依家嘅藝人同節目度」、「第二季嗰班全部隱晒形，仲開第三季？」《蘋果》向ViuTV了解，但暫未獲回覆。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|