【新增內容】
「港版國安法」正式生效，界線模糊到連香港律政司司長都未能清楚解釋條文，危機四伏，香港人隨時中招，但原來會中招的，不分紅黃藍。例如條文第四節「勾結外國或者境外勢力危害國家安全罪」當中，就有一條是「通過各種非法方式引發香港特別行政區居民對中央人民政府或者香港特別行政區政府的憎恨並可能造成嚴重後果。」；第三節「恐怖活動罪」當中，有一條「宣揚恐怖活動、煽動實施恐怖活動的，即屬犯罪。」
最近大台新劇《殺手》開播，劇集介紹講到明是「故事以職業殺手做背景」，講到殺手，劇情離不開有警察。昨晚播出一集，「易蘭」龔嘉欣與「閻王」黎耀祥就出動，喺尖沙嘴埋伏目標人物，但附近有警察行咇，黎耀祥就阻止衝動嘅龔嘉欣行動，龔嘉欣不滿並講出對白「有差佬又點呀，我咪殺多兩個囉。」網民就質疑，TVB新劇煽動仇恨警察，有教唆本土恐怖活動之嫌。有網民亦非常正義、奉公守法，向通訊事務管理局作出投訴，要求通訊事務管理局與警方合作執法，並要求大台將所有涉及仇警的內容下架。
龔嘉欣為《殺手》付出唔少，前年開始在IG上載唔少練武、受傷、拍攝花絮相，仲打到周身傷，背脊貼補藥膏膠布、小腿受傷要縫針。龔嘉欣今日到新城宣傳《殺手》，被問到對白相當踩界，她說希望觀眾集中於劇情：「呢套劇帶有黑色幽默，係喜劇，大家唔使太着重某啲字眼，focus返劇情，同埋所有演員身上，大家史無前例冇用替身，似真係打交。」
但港區國安法剛立法，會否怕觸及法例？是否覺得公司要更小心審核才播出？她說：「係咩？唔知道呀，關於法例嘅由公司回應。做番演員本份，我冇咁嘅能力叫公司。」但對白由她說出口，可會怕自己受影響？她說：「做返演員工作，關於法例留返公司。」
今次劇集她要演兇殘殺手，與黎耀祥有身體接觸戲，對方有一幕要把手放在自己胸部，她說：「冇乜嘢，慣咗，其他嘢犧牲仲大，有一幕佢要摑我，但好大力打，我突然忍唔住笑，要NG三次。」另外她有畏高，有幕卻要坐在天台欄邊，一隻腳棟起食麵：「望落下面就係街巿，好高，雖然有安全帶，但我都真係驚到震。」而她表示這劇造型破格，反而令更多人突然喜歡自己。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|