經理人師姐齊中招 謝高晉接衛生署通知執定包袱等入營
現役籃球員兼歌手謝高晉因經理人劉麗萍（Apple姐）與師姐施匡翹（Zaina）及宣傳人員前日（18日）同告確診新冠肺炎，雖然謝高晉當日第一時間到東區醫院測試，報告呈陰性，但作為緊密接觸者，他接到衛生署通知需要入住隔離營進行檢役。
謝高晉表示：「噚日衛生署打電話畀我，叫我嚟緊可能呢一兩日預備定入去隔離營，依家基本上執好晒嘢，喺屋企度都自己接受緊家居隔離，等衛生署進一步發展。今日都收到消息Zaina同Apple姐身體狀況都好咗好多，希望佢哋都快啲出院。」
謝高晉透續謂：「預備帶咗健身嘅嘢同幾套衫做吓運動，仲帶多咗部琴入去，學吓琴增值吓自己，希望出到嚟之後都可以好健康咁再同大家見面。」
至於施匡翹在隔離病房再以語音更新進展，說：「到依家為止我嘅精神狀況或身體都好良好，大家唔使太擔心。醫生幫我驗咗血，同其他樣本都係正常冇問題。至於深喉唾液樣本，需要等聽日再去檢查，後日再有就知道多啲資料，到時我再update大家，希望大家注意身體，唔舒服嘅朋友快啲好番，大家一齊努力抗疫。」
來源 source: http://hd.stheadline.com
|
鍾意就快D Share啦！
|
|
|