女歌手施匡翹和宣傳人員阿佳確診忠上武漢肺炎，由於二人早前曾到過無綫將軍澳電視城，所以無綫由昨日起封城兩日進行徹底消毒，拍攝中的劇集亦要暫停，劇組及演員需要進行武漢肺炎檢測，姜皓文（黑仔）今日在被交平台報平安：「我的檢測結果呈陰性，我很安全，多謝大家關心，請大家都不要鬆懈，繼續提高防疫意識，我們一定會戰勝疫情的。加油！」
黑仔與黎諾懿、惠英紅、袁偉豪、王浩信、黃智雯及王敏奕等正在拍攝《刑偵日記》，黑仔今日接受訪問，透露劇組和演員所有人的病毒快速測試結果全部為陰性，不過劇集暫時會繼續停工，他說：「早幾日開《刑偵日記》，發現有同事同確診人士有接觸，劇組緊張大家安全，停工叫大家去做測試，個日都幾擔心，周圍搵咗好多地方都冇得做，最後搵到而結果冇事至安心啲。」
由於開工時會接觸到好多人，為家人安全起見，他決定暫時搬出居所，在寓所附近租了一個單位暫住，方便家人照顧：「發生事嗰晚，即刻搵咗個地產朋友幫我搵屋，漏夜搬屋。我打算拍完劇，自己隔離多一段時間之後，至搬返屋企住。」黑仔更特別感謝黎諾懿俠義相助，他說：「黎諾懿好好，初頭知道我冇地方去做測試，幫我搵好多資料返嚟，又搵朋友幫我手，真係好關心同事。之後佢知道我收工搵地方住，又第一時間話自己屋企有多一間房，唔介意嘅話可以搬嚟一齊住，佢真係超級好人。黎諾懿話太太同囝囝都搬咗去外母家暫住，佢一番好意，不過我話唔好但好多謝佢。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|