- 【禁堂食撞正大雨】打工仔踎街開餐 陶傑：林鄭正將香港改造為第三世界
- 1小時前
司徒夾帶
今日(7月29日)，又係一個碌吓Facebook就會心悒嘅日子，而且只係個開始。
因為，禁堂食令，令好多唔打寫字樓工嘅人，捧住個飯盒，或坐或踎，甚至跪喺街邊食飯，仲要撞正落大雨，真係應景到聞者傷心、見者流淚，就如司徒夾帶轉發嘅圖一樣：「任雨灑我麵，難分水點淚痕。」香港人食碗湯麵啫，因乜解究搞到咁淒涼呀？當然唔係經典廣告嗰句「唔通連個天都唔鍾意我」咁簡單啦。或者，同Ben Sir口中咬緊嗰隻雞有關。
歐陽偉豪
今日食飯嚟講，Ben Sir歐陽偉豪算係幸運嘅一個，可以坐喺車入面歎住冷氣開餐，仲講風涼話：「我好風涼，有架車喺入面食風涼飯，點解風涼？因為開住冷氣食。唔開冷氣可以開窗，ok，但開窗就變室外要戴口罩喇噃？我暫且唔講酷熱嘅問題，我又唔講粗口，我一路咬緊盒雞飯，隻臭雞就喺我腦海中腐爛。」佢口中咀嚼緊嘅臭雞，斷估同你我口中嗰隻，係同一隻！
陶傑
咪住先，好似有報導指，法律界人士解釋，假如架車喺公眾地方，一樣要戴口罩喎，咁點食呀？而且，停車要熄匙，冷氣都無得你歎。誠如網民所講，香港人已經淪落到食個飯都要考慮犯唔犯法……難怪，才子陶傑話：「1997年，英國將一個繁盛的香港交回中國。今日中國的林鄭，正一步步將香港改造為第三世界。」配的圖，正正是滂沱大雨下，一個個坐喺路邊食飯盒嘅香港人。 ----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|