真係恭喜晒劉少君！
早前確診新冠肺炎的藝人劉少君本月20日入院，今日佢就拍片公布好消息，透露自己終於可以出院！劉少君笑容滿面精神奕奕，不過比之前消瘦了咗，佢話今午收到院方通知，指佢身體已經「全部復原」，預計幾個鐘後就可以出院。
佢提到自己在伊利沙伯醫院治療11日，除多謝醫療團隊及主診醫生治療過程決斷英明，又叮囑大家要注意衞生，對抗病毒，最後佢仲多謝大家關心，喜悅之情表露無遺。
劉少君今日出院後，去到尖沙咀一間酒店休養，仲拍片同大家報平安。劉少君話：「由於醫院比較緊張，冇叫傳媒過嚟，依家自己喺尖沙咀一間酒店休養吓先，大致上慢慢回復精神，今次真係好多謝我哋香港醫護界所有嘅醫護人員，咁細心照顧所有病人，甚至乎一個小工，佢哋都消毒、清潔得非常細緻，我真係非常敬佩、欽佩佢哋。我今次結果出嚟已經有咗抗體，少咗病毒入侵，相當安慰！亦有一個Copy證明全身冇事，希望大家有個衞生環境，注重衞生呀！開心開心！」
而同樣確診新冠肺炎嘅歌手麥德羅，雖然於本月17日入院，不過病情反覆，日前更病情轉差要轉院重新醫過。佢得知好友劉少君可以出院，都即時祝賀對方：「先恭喜劉少君可以出院，等同中咗六合彩一樣，唉…我都希望出院呀！OK，恭喜你，希望呢兩三日我都有好消息」
講到好友麥德羅話康復有如中六合彩，劉少君話：「希望佢真係中番個六合彩二獎囉！不過佢身體咁健康，應該好快，預祝佢成功。」劉少君又表示依家可以正常出街，身體上已有抗體，休息兩、三個星期後，要返醫院覆診，驗血同照X光等檢查。
來源 source: http://hk.on.cc
|
鍾意就快D Share啦！
|
|
|
