希望大家都可以快啲出關
歌手古巨基前晚現身「繽FUN Live」，是他升呢人父後首次接受傳媒的獨家直播訪問！面對第三波嚴峻疫情，為顧及初生囝囝Kuson的健康着想，基仔親證由今年2月1日開始，至今未踏出過家門半步！他說：「做咗爸爸媽媽之後，BB嘅安全係我哋最大嘅責任。」早前連續23日「本地零確診」，基仔本以為差不多可以出關，因為曾有醫生教授指如果連續28日都沒有新增個案，相對安全，故他一直以此為指標。
問到若疫情過後，「出關」後第一件事最想做甚麼？他說：「我會去慈山寺，以往我哋定期會去嗰度靜修一吓，因為疫情已經好耐冇去，所以出關第一個地方想去呢度。」當然他亦會帶囝囝跟「四大長老」，即爺爺嫲嫲、公公婆婆見面：「喺閉關前同閉關後都見過一次，雖然日日都會同佢哋視像，但真係好耐冇面對面，所以到時一定會帶BB見吓長輩。」
來源 source: http://hk.on.cc
|
鍾意就快D Share啦！
|
|
|
