武漢肺炎在港爆發第三波，連日內確診人數都過百，而娛圈於兩星期前亦爆出確診群組傳播鏈，當中61歲的歌手麥德羅、與女友Apple姐、歌手施匡翹和宣傳人員阿佳上周六確診留醫，而劉少君曾與麥德羅接觸頻繁，其後亦確診入院，當中劉少君於昨日可以出院，而Apple姐亦可以離開醫院，獲安排去鯉魚門隔離營，總算有好消息。
日前轉院到上水北區醫院繼續接受治療的麥德羅，今日亦獲通知可以出院，他向傳媒拍片報喜，片中他戴住口罩，精神奕奕地說:「醫生話我今日可以出院，我聽到晴天霹靂，好似中咗六合彩一樣，今次好似死裏逃生，唔知講咩好，仲知健康比財富更可貴，所以我都希望所有朋友都真係要小心自己嘅健康，同埋出街戴口罩、洗手，仲知有病嘅朋友快啲好番，好開心，我而家執嘢走。」最後，麥德羅更多謝醫護在這兩星期的悉心照顧，更祝願其他患病朋友如鄧達智快點康復。
此外，《蘋果》聯絡了另一個確診入院的本地時裝設計師鄧達智，他就繼續留在聯合醫院的負壓病房接受治療，他連日內因藥物反應發燒不適，消瘦不少及皮膚發紅，問到他今日的情況，他表示：「昨天藥物反應厲害，今天很累，今日停打針，所以冇發燒，但好攰，冇胃口。」提到他之前同房的院友不自律，經常咳嗽及不戴口罩，他表示該名院友昨日黃昏已被調走，而昨晚深夜亦已有確診者入住，對方很規矩，比較放心，他亦多謝麥德羅的慰問。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
