剛剛「登六」的鍾楚紅，自老公朱家鼎07年過身後，沒再覓對象。單身13年，紅姑享受一個人的生活，就算單拖去旅行，都不感寂寞。
活得消遙自在，無憂無慮，紅姑的back up，有賴投資的眼光，多年來一直買賣磚頭，而且次次有斬獲。目前手上仍持有3個物業，全都是早年買入，如海怡半島單位，96年她用470 萬購入，現市值1600萬，漲面勁賺過千萬。手揸過億磚頭，難怪紅姑一早已經唔憂做，自己就是靠山，獨身無憂！
拒搵第二春
當年在事業高峰期，紅姑退下火線，下嫁廣告才子朱家鼎，一直過著低調少奶奶生活。但07年，朱家鼎大腸癌離世，紅姑痛失伴侶。當時更有傳紅姑因為傷心過度，終日以淚洗面，足足花了幾年時間，方可平復心情。近年紅姑身邊雖然出現過不少追求者，14 年傳她被Agnes b高層Donald 力追，但紅姑對亡夫情深，故堅拒再搵第二春，更表示：「我日日都悼念佢！佢好似我嘅守護天使，日日同我一齊。可能我係一個保守啲嘅人，我接受咗佢唔喺我身邊，但佢嘅精神、佢對我嘅影響一路喺度。如果冇佢，就冇今日嘅我！」有賺無蝕
其實朱家鼎離世之後，有傳紅姑為了完成老公遺願，要賣樓套現，在峇里興建渡假村。加上經歷97金融風暴同03沙士，朱家鼎投資的傢俬店亦相繼結業，故留俾紅姑的遺產並不多。但《壹仔》翻查資料發現，其實多年來紅姑一直有買賣物業，而且眼光好，有賺無蝕！早在86 年，剛窤紅的红姑已經開始投資磚頭，首置的物業位於九肚山嘉美花園，當時以144 萬買入，90 年以275 萬賣出，賺131 萬。食過翻尋味，轉玩短炒，同年，她又再以70 萬買入城市花園，91 年以203萬賣出，賺133 萬。97年，紅姑再入市，用3600 萬買入地利根德閣短炒，同年即以4350 萬賣出，賺750萬。至於她與朱家鼎喺壽臣山的愛巢，94年用2080 萬買入，05年以4800 賣出，賺2720 萬。買賣物業賺超過3700萬，另外，現時紅姑手上仍揸住3 個有潛力的物業，市價有升冇跌！仍持有3個物業
17 年，她以5000 萬買入司徒拔道碧蕙園2000呎豪宅自住，現市值7000萬。至於手上持有的海怡半島過千呎單位，早在96年用470萬買入，現市值 1600萬。12 年，紅姑更首次向工廈入手，以770萬低價買入筲箕灣民興工業大廈全層，現市值1700萬。唔計之前的斬獲，紅姑手上仍持有超過1億資產，下半生根本不愁！跨世代女神
有成億揸手，但紅姑生活簡單不揮霍，平日衣著牛記笠記，嗜好是行山同親親大自然。享受慢活，亦是女神保持風采的養生之道！日前《壹仔》發現她單拖行錶行，戴住口罩素顏一樣sharp ，身材又十年如一日咁弗，真係點睇都唔似已經「登六」。拍埋她兩位閨蜜Sammi 同甘比，實際年紀差一大截，但外表毫不輸蝕，所以網民都紛紛激讚她「靚到崩潰」，絕對是「跨世代女神」！79 年，紅姑參選港姐入行，當時只得梗頸四，輸給冠軍鄭文雅，季軍鍾慧冰，隨後加入影壇，拍過《縱橫四海》、《秋天的童話》、《男與女》等代表作，事業遠超同屆三甲，奪得過兩次亞太影后，當時更被封為「香港瑪麗蓮夢露」。----------------------------
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
