Snowy和Ruby經營的網店，主要為客戶提供宣傳及銷售一條龍服務，自認計仔多多的Snowy負責度橋宣傳，Ruby則負責管數。Ruby表示：「而家無論大小品牌都處於艱難時間，因為疫情好多門市都開唔到或者無人流，我同Snowy之前都有試過幫啲品牌做宣傳經驗，而家我哋會先親身試用產品，了解咗產品嘅好處就做推廣同埋銷售，我哋就好似售貨員嘅角色咁。」Snowy和Ruby希望出一點力，幫助大小品牌及小店走出困局，她們知道好多人現在都感到迷惘，不少人更失業失去收入，Snowy說:「知道好多人都突然間冇晒方向感，我哋想用自己嘅創業例子，比啲鼓勵大家，尤其好似我哋結咗婚有小朋友嘅媽咪，話畀佢哋知有家庭都可以有事業，另外我哋亦有同啲年輕人合作，雖然唔係咩大公司，都可以畀啲機會佢哋實習下，分享吓我哋嘅經驗。」
Ruby更加認為，有機會和年輕人合作，她們亦有很多得着，年輕人在思想上給予2人很多衝擊，她又說：「而家工作模式同以前好唔同，以前讀完書搵工，加入一間公司就要加入公司嘅制度，但而家年輕人想法唔同，唔會花太多時間困喺一間公司。不過，我覺得大家最重要係保持正能量，否則整個人只會越嚟越負面，而且開網店門檻好低，只要肯試好容易做到。」Snowy呼籲大家覺得徬徨時，一定要找朋友傾訴：「好多嘢一個人未必諗到，但兩個人就可以傾到出嚟，好似我同Ruby咁，好多嘢都係大家一齊傾出嚟！」
剛剛榮升老闆娘的Snowy，提到她和Ruby的生意便特別興奮，她表示和Ruby已經相識6、7年，其間斷斷續續都有傾過合作「搞啲嘢」這話題，但一直沒有頭緒，因為要合作做甚麼是個大問號。說到合作以來的趣事，Snowy和Ruby均笑指是試食清腸產品，Snowy笑謂：「我哋係可以乜都傾，之前試食清腸產品，大家就會mark低個狀況，我試完有叫Ruby唔好試，因為真係會屙，但係佢一定要試，我哋真係好認真。」
場地：Owl square residence
服裝：RDM STORE（蔡雪瑩）
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
