由馬浚偉（馬仔）、林子博和黎瑞恩等人演出的舞台劇《男人40 CEO》，原定9月11至26日於灣仔藝術中心壽臣劇院公演，但因為武漢肺炎在香港情況仍未受到控制，劇團今日宣佈舞台劇延期，擔任舞台劇編、導、演和監製的馬仔，今日拍攝短片表示不想觀眾、演員和工作人員因此要冒險，與劇團和場地有關方面人員溝通後決定延期到2021年6月11至26日在同一場地舉行。
因舞台劇歌舞連場，連月來所有演員積極排練，但馬仔經考慮後有此無奈決定，他在片段中說：「由於近日香港疫情依然非常嚴峻，每日感染個案都係雙位數，雖然有回落但仍然不穩定，我覺得呢一個關顧所有人健康，包括觀眾、台前幕後工作人員和演員，我唔希望喺呢個時候要有一個冒險，唔希望聚集較多朋友一齊去睇舞台劇，所以最後我決定延期。之前講過如果到8月中至下旬，若仍然只能賣一半（門票），又加上疫情嚴峻時，我哋係冇辦法做落去，所以喺各方面考慮，最重要安全，觀眾、演員及所有工作人員安全，大家嘅健康係我最首要考慮，所以同香港藝術中心壽臣劇院同我哋整個團隊溝通後，大家達成協議，我哋將個劇延期到明年6月份11至26日公演，原班人員，大家放心，所有嘢一樣。」
馬仔強調由預售到公開售票時，門票反應理想，但不想大家冒險，亦不能因為演出，令觀眾及所有劇團人增加感染或被感染風險，更加不希望增加社會或醫護人的壓力。他更透露會先作出退款安排，觀眾有興趣可以在稍後公佈日期再買飛，預計明年3月中至尾開售，詳情可以在官方網頁、FB、IG及電腦售票網找到。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
