陳柏宇和老婆符曉薇（Leanne）結婚3年，育有快滿2歲女兒Abigail，日前Leanne在拍片自爆6月時小產，她指一直想為囡囡生多個弟弟或妹妹，5月時發現懷有第二胎，十分開心，怎知期後狂出血及腹部疼痛，看醫生後證實為宮外孕，因BB着床左邊輸卵管導致輸卵管爆裂，6月接受緊急手術切除左邊輸卵管。
Leanne坦言當時很傷心，曾一度幻想胎兒仍在，幸獲同病相憐朋友安慰才走出陰霾，現身心已逐漸回復正常。她並留言：「唔係想話畀人聽我究竟有幾堅強，只係希望幫到有需要嘅人，我希望大家都唔好經歷到呢樣嘢。」網民都留言安慰加油。《蘋果》致電陳柏宇，他指正預備做直播，稍後才回復。而在直播中，他陪女兒玩耍，果然是廿四孝老竇，但不見老婆出鏡。
其後陳柏宇回覆《蘋果》，他指當時太太懷孕5、6個星期：「佢痛，去醫生度檢查，發現宮外孕要做手術，救唔到，只能排走去，唔開心梗有，感覺好大打擊，因為最終要切咗一邊輸，喺冇得選擇情況下，好似冇得太唔開心，呢個唔係個人問題，唔係避免到，明白要發生就發生，唔會太唔開心，首先本身有囡囡，幫到好多手，如果冇囡囡囡，要切輸卵管就唔開心。」問到怎安慰老婆？他說：「佢有喊，有分享自己心情，我同佢溝通件事，我唔識安慰佢，我有同佢傾，但唔應該嬉皮笑面呃呃氹氹，應該成熟處理。」
而Leanne在電話說：「我好番好多，但未覆診，因為疫情唔敢去覆診，身體冇乜嘢，而家做運動，食得健康啲。」她指大約5月發覺懷孕，有咗個幾月，一直痛同出向，去睇婦科，開咗安胎藥，日日都有食，有時出血，有時唔出血，大部份時間臥床，臨覆診嗰日突然好痛，好似盲腸炎落唔到床，去到診所醫生一照入面出晒血，爆咗輸卵管，九成係宮外孕，緊急做手術，醫生話因為有試過宮外孕，之後懷孕再發生機會大，要小心。」
失去胎兒後，回想當時心情，她說：「不停問醫生，bb會唔會仲喺度？唔想接受現實，做完後成日諗bb仲喺度，有同老公傾，佢話我咁諗唔健康，自己好失望，怪責自己，但其實件事自己控制唔到。初頭做完手術好虛，媽咪幫手煲湯畀我飲，陳生幫手做家務，放假又陪我哋出街，同埋有朋友試過兩次宮外孕流產，最後生咗bb，朋友好堅強，自己覺得唔應該困死，但6月１日做手術，6月尾狗走咗，好傷心。」
問到有冇信心再懷孕？她說：「驚呀，因為宮外孕機率會，遲啲會再嘗試吓。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|