【亞視一哥】直認當年片場發脾氣 尹天照：我冇後悔過
昔日「亞視一哥」尹天照應苑瓊丹邀請，接受香港開電視節目《開工大吉77》訪問，阿照被苑仔追問當年片場「發脾氣」一事，尹天照趁機剖白：「當年試過一次拍戲，剛剛先拍完第一Take，點知個助導走埋嚟畀第二稿、第三稿，我心諗『我做畀你！我將每一稿嘅優點溝埋演畀你！』但最終啲人都係同你玩反面！其實呢啲嘢冇啱定錯，我冇後悔過。作為一個演員，如果冇火嗰角色唔會好睇，但係火得滯可能會影響其他人，點樣火點樣拿捏就要靠時間。」
尹天照離開電視台外闖，點知投靠個老闆股票失利，唯有食回頭草Sell林伯(已故林百欣) 開拍成名作《我和殭屍有個約會》系列，拍完之後再返內地拍戲搵食：「呢個選擇冇話啱定錯，就當你鋪排得好好，𠵱家又會點？𠵱家間電視台(亞視)都唔喺度啦。」尹天照坦言有其他電視台接洽，奈何制度令他放棄簽約：「初步傾都知自由度有問題，算啦…都過咗去。」
苑仔自爆當年尹天照曾勸她「信教」，但最終失敗而回，但他的性格亦因宗教而改變：「我嘅改變係因為我𠵱家嘅宗教，當時太太有病，我搵唔到任何嘅方法去幫佢，咁啱有個朋友，佢有癌病但決定唔再睇醫生，我鬧佢黐線，佢就同我分享教會見證，我就去教會睇吓，因為呢一件事，我認為唯一出路就係靠耶穌。」
來源 source: http://hd.stheadline.com
|
鍾意就快D Share啦！
|
|
|