入院7日終於出院！
無綫前高層鄭偉強（阿鄭）確診新冠肺炎，被送入伊利沙伯醫院隔離治療，入院7天後，今天傳來喜訊，阿鄭向東網表示可以出院！有關治療方面，他說：「打咗兩支針，醫生話我打得比其他患者少，二針搞掂，但打完反應係發冷、周身骨痛，特別大髀肌肉好痛，同埋嚴重耳鳴，我直情聽唔到嘢，我有『三高』關係，醫生話只係打針治療就可以，都好幸運，我驗埋深喉唾液都冇病毒，血都有抗體，集合呢兩樣條件，我已經有雙重保險！其實醫生話是但有一樣都可出院，我就兩樣都有，加上我有運動底，身體復原快，驗埋肺都好清，因為我未病發已入院，快好好多！」
問到出院後會做咩？他表示：「今次係好經歷，人生又多咗一段精彩片段，原本要度劇本，依家唔使，呢個就係最好劇本，係一個喜劇，我當係舞台劇故事話原本酒店度，但中咗招,入咗醫院，變喺喺醫院度，加啲喜劇元素啦，醫院有唔同嘅人嚟探，結果個個中晒招！」
來源 source: http://hk.on.cc
|
鍾意就快D Share啦！
|
|
|