楊明於8月8日凌晨撞車受傷，當時警方到場，發現他滿身酒氣，又拒絕提供血液樣本，最終送院，其後獲保釋並要於9月上旬向警方報到。
好友劉晨芝獲悉楊明出意外，身處美國的她馬上短訊楊明及女友莊思明問候，問到劉晨芝可認同精神不在狀態下和酒後都不宜駕駛，應選擇做乘客？劉晨芝就出言撐楊明：「阿楊而家都好乖㗎喇，我見佢工作都好拼搏，如果太攰就最好做乘客喇！」
唔知係咪朋友有種莫名連結，楊明炒車無耐，劉晨芝日前亦洛杉磯公路發生交通意外，她在FB吐苦水：「喺LA高速公路上揸揸吓車，突然間有一大舊黑色嘅物體飛向我嘅車頭，玻璃即刻碎裂，周身到玻璃碎，好彩㗎車冇失控，不過都驚到喊。之前去打哥爾夫球，又比個波打中，隻腳都腫咗，我覺得自己自從6月無故被襲擊之後，心理有陰影，成日好驚會被襲擊或傷害，經常都好擔心，有心理障礙，都唔知係唔係太擔心所以先會發生呢啲事。去到人多嘅地方又會驚，我以前從來都唔會有呢啲想法，我係咪需要therapy(治療) ?」劉晨芝重提6月在夜場被踢爆下巴，到美國探親又發生意外，自嘲是「地獄黑仔王」。
劉晨芝日前本打算回港，不過知道現在上機要準備多重病毒檢測證明，她表示太複雜且求助無門，不過仍會嘗試周三帶備相關文件出機場博一博可否順利上機，她說：「睇吓返唔返到嚟，希望返到唔使滯留喇！」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|