竇驍安排機械人隔空送花 浴袍超蓮喪笑講多謝
去年4月，賭王三房千金何超蓮承認跟內地男星竇驍拍拖，仍處熱戀期嘅兩人無時無刻放閃，愛得高調又甜蜜。七月賭王舉殯，竇驍以何家「準女婿」身分陪超蓮出席賭王喪禮，之後一直留在何家三房大宅跟超蓮過甜蜜同居生活。
日前，愛上玩抖音的超蓮上載同男友喺家中熊抱片段，全片兩人又摸又抱又攬又錫，甜度極高，以為已經係終極放閃?未算囉，七夕當日，正身處南京並在酒店接受隔離的超蓮喺酒店房邊食嘢邊吹頭，然後電話響，着住浴袍嘅超蓮跑住去聽電話，從而得知有機械人到咗房門口，超蓮急行去開門，就見到半個人咁高嘅機械人拎住紥玫瑰花。
超蓮好興奮，忍唔住發出「哇哦」嘅聲音，仲讚機械人同啲花好可愛，笑住拎花嘅佢即對鏡頭講「謝謝給我送花」，然後一直笑住目送機械人離開，再笑住對鏡頭講機械人送花畀佢，然後繼續笑到見牙唔見眼咁拎住紥花行去鏡頭前，再對鏡頭揮手講七夕快樂。
竇驍玩到咁大，你叫塵世間啲「男朋友」點算好?
來源 source: http://hd.stheadline.com
|
鍾意就快D Share啦！
|
|
|
