王卓淇簡淑兒靠手機揭男友劈腿
徐若瑄自爆被渣男背叛的經歷，不少網民都戥她心痛，但原來有不少女藝人都有同樣經歷，簡淑兒曾遇過一腳踏三船的渣男：「當時都覺得有啲問題，半夜會有女仔打嚟，電話又成日校咗飛行模式，不過當時我年紀細好驚分手，但最後真係覺得好有問題，就決定同佢一齊去睇佢電話，結果發現咗佢同個女仔有曖昧短訊，最後分咗手，之後竟然有另一個女仔搵我，我先發現原來佢一腳踏三船！不過我覺得『小三』真係冇得防，好講個男仔本身係乜嘢人。」
王卓淇就憑「直覺」發現第三者，她說：「當時同個男仔拍拖，佢好勁呀，我完全察覺唔到佢有咩異樣，點知有一日心血來潮，直覺覺得佢有問題，結果我睇佢電話入面嘅短訊，發覺佢同時同兩個女仔傾偈，內容好曖昧，結果梗係分手」而「一件頭女神」陳詩欣則指「小三」防不勝防：「有次發現當時嘅男友偷偷同啲女仔傾電話，原來佢哋係醞釀緊，嗰次我都畀咗一次機會佢，可惜最終都分咗手。如果真係畀我捉姦在床，我會好絕立即分手，連佢講對唔住嘅機會都唔會畀。」
來源 source: http://orientaldaily.on.cc
|
鍾意就快D Share啦！
|
|
|
