唔係啩！
歌手黎瑞恩失蹤了一段日子，據知她「生蛇」生到上眼，險些毀容。她回覆東網承認最近身體不適：「我唔舒服，生蛇呀！（咪好痛？）咁我好感恩喎，我冇痛又冇痕喎，最賤格係生喺隻眼度，幾乎毀容！」
黎瑞恩表示最初是發現眼睛不舒服，翌日突然紅腫，之後立即睇醫生，她原本以為生眼瘡，怎料醫生懷疑她生蛇，她說：「我話唔係啩，生喺隻眼度咁衰，醫生話要食藥，最初喺隻眼度，再蔓延去眉心，跟住上埋額頭爛晒毀容，幾慘，依家慢慢好番，但需時六個星期。」
黎瑞恩再於社交網留言：「唉！我成個人最靚就係對眼，點知....上次Live已經係7月23日，條蛇搞咗我差唔多已經一個月喇，因為疫情，舞台劇改咗在家ZOOM排練，初時都有頂硬上，但愈來愈辛苦，最後都要向劇團告假，喺屋企大概休息咗3個禮拜，病情反反覆覆，依家好似已漸入佳境，希望盡快好番，等到差唔多好番晒，就可以同大家見面，暫時仲要繼續忍一忍。」
來源 source: http://hk.on.cc
|
鍾意就快D Share啦！
|
|
|