2020年8月17日星期一

【嬸嬸Flirt仔】去牙買加度假過62歲牛一麥當娜趷Pat磨26歲男友仔 #麥當娜

【嬸嬸Flirt仔】去牙買加度假過62歲牛一麥當娜趷Pat磨26歲男友仔

從生日P片段可見，壽星婆完全黐實小男友又拖又攬又趷Pat掃掃吓。

尋日係美國流行音樂女王麥當娜(Madonna)嘅62歲牛一，之前中過新冠肺炎，又因為開巡迴Show搞到周身傷要Keep住接受治療嘅麥嬸嬸，帶埋26歲Dancer小男友Ahlamalik Williams及23歲囡囡Lourdes Leon去咗牙買加慶祝，去得當地當然日飲夜飲加喪跳舞，麥嬸嬸仲拎住成盤大麻影相，疑似隊草慶生，佢男友仲食到變晒樣添。

一向好鍾意玩ig嘅壽星婆唔介意私人生日Party曝光，喺ig瘋狂貼相，有開心自拍，有攬住冇剃腋毛嘅囡囡影相，同小男友更加影完又影仲拍埋片，見佢對住小男友非常溫馴，攬到實又拖住坐大髀，62歲拍拖拍到初戀咁，嗰種眼中只有對方嘅感覺，真係睇一陣都唔係好頂得順。從片段中可見，着住貼身裙嘅麥嬸嬸仲趷高Pat Pat貼近男友敏感部位郁動，難得小男友好受女友嗰套，全程笑笑口配合女方嘅進取，叻仔呀。