大台是非多多，「撐警男星」楊明於本月初涉酒後駕車失事被捕，送院治理後無事出院，需於9月再向警方報到，事後楊明接受大台訪問時，隻字不提涉酒後駕駛。
事隔幾個星期，楊明今日又揸車出街四圍走，據黃底「興華茶餐廳」facebook專頁今日貼出一張與楊明的合照，相中站在中間的楊明，豎起2隻拇指，而站在側邊的店員則舉起「五大訴求 缺一不可」的招牌手勢。據該post寫道：「開店接近一個月，第一位偽人嚟捧我哋場，多謝手足撐我哋。」還加了「醉駕」和「點解仲揸得車？？」的tag。及後，茶餐廳再在post中解說指，楊明剛好駕車經過上址，停低座駕並到便利店購物，茶餐廳的店員便上前邀對方合照。
有網民見到撐警者被指幫襯黃店，即表示嬲豬，直接留言說：「楊明出賣藍絲呀！」甚至有人將楊明幫襯黃店的post轉發到藍絲集中地的FB專頁，並留言稱：「枉我咁撐你，好嬲吖，為咗生意嘅偽人！」對於楊明的行為，藍絲網民明顯不買賬，還指他：「要坐牢前，搵黃手足，偽人冇人格好正常。」
激嬲藍絲，非同小可，楊明在FB急「補鑊」，在自己的FB中出post給藍絲集中地：「呢班（o靚）仔真蠱惑，笑容滿面走過嚟叫我同佢哋合照，見你咁有禮貌咪同你哋玩吓，以後對人對事都用呢個態度就對了，以後乖乖喇。」輕輕帶過自己「誤」黐黃絲合照，而他在微博亦有為自己解畫，字面基本上一樣意思，但就加了「五個一排，全部拉晒」的tag。
而莊思明亦繼續盲撐男友，但語氣和用詞就更辣：「賤人就係會用賤招去害人，得啲白痴先會信你哋。兩條友扮晒有禮貌衝埋嚟叫人同你哋影相，正常一個有家教嘅人都會影點知原來條賤仔鬼鬼祟祟做啲咁賤格嘅手勢！你哋以為咁就會分化到藍人？慳啲有時間去做多啲有意義嘅事啦，唔好成日掛住諗點害人」莊思明不單口口聲聲稱呼合照者為「賤人」，而且落tag時也不收口「太多賤人」、「5個一排全部拉晒」、「黃屍就係心地差」、「黃屍賤種」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|