宋熙年（Sarah）與陳智燊（Jason）在今年3月宣佈家中將添一新成員變成一家四口，結婚4年的Sarah與Jason在2018年誕下長子Damon，現在再增添二子Jamie為新家庭成員，Sarah今日在IG貼出老公和BB的照片，Sarah在帖中說：「歡迎我心愛的BB Jamie，能有你加入我們的家庭令我們感到幸福興奮，你對食物充滿熱情，肚餓時大吼大叫......我們將會一起經歷很多樂趣和留下許多美好回憶。」
陳智燊開心再做第二任爸爸，他今日接受《蘋果》電話訪問時說：「我哋啱啱返到屋企，以為成家返到屋企會輕鬆啲，點知原來屋企有個兩歲，有個初生BB，雖然係好熱鬧，但原來好攰。好彩哥哥向來黐我，Sarah（宋熙年）就可以專心湊住細佬。」兩公婆兩對手湊兩囝囝，看似一對一，其實都忙到踢腳，陳智燊續說：「時間唔夠用，我望一望個鐘都已經7、8點，夜晚搞掂完哥哥，再去攬吓細佬，咁就一日，好充實，唔知點去形容個忙。」講到再做爹哋的心情，陳智燊說：「冇生第一胎時嘅緊張，擔心係少咗，但疫情去醫院生產，醫護人員照顧Sarah好好，我反而係緊張點樣安全將BB接返屋企。不過生產時都有趣事，今次姑娘以為我有剪臍帶經驗，畀我自己整，我用右手揸鉸剪，好狼狽下做咗個剪臍帶儀式。」陳智燊只為囝囝改了英文名Jamie，中文名未想好，老婆宋熙年在IG貼出三父子，陳智燊說：「係老婆影，佢話太耐冇影相，所以拎起相機同我哋影咗父子相，影得好靚，我老婆真係好叻。」Jamie約重6磅多，醫護人員都謂他爸爸，陳智燊說：「哥哥出世時，醫生姑娘都話似我，但大大吓又似媽咪多啲，當然都超靚仔嘅。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
來源 source: http://hk.appledaily.com
|
鍾意就快D Share啦！
|
|
|
