【頭條獨家】贈基層兒童愛心百寶枱 阮兆祥米雪送暖到社區
上周六，阮兆祥（祥仔）、米雪和何麗全夫婦代表福幼基金會，現身土瓜灣向基層家庭派發防疫包，以及送贈「愛心百寶枱」給劏房兒童，一眾受惠家庭都好開心， 祥仔說：「希望小朋友喺狹窄嘅環境都有個舒適嘅學習及玩樂空間。」採訪：李維隆
當日阮兆祥、米雪戴上口罩現身土瓜灣，向基層家庭逐一派發防疫包，內裏包含口罩、搓手液、水彩筆及畫簿等，同場仲有何麗全夫妻來做義工；席間，眾人耐心向市民講解「百寶袋」中的用品，又應要求與大家合照，非常親民。
何麗全感激善長
是次活動特別與家居品牌合作，為劏房兒童家庭免費設置集合「食、學、玩」於一身，又易於收藏的「愛心百寶枱」，何麗全感激各善長人翁捐款，讓小朋友可以跟家人同枱食飯、玩桌上親子遊戲及溫書做功課，他說：「佢哋收到都非常開心，尤其啱啱開學，希望小朋友繼續努力做功課，學業進步。」
見基層小孩大部分時間瑟縮在牀上活動，祥仔盼這張枱能給予他們一個舒適的空間去學習和玩，「雖然話抗疫唔開心，但我覺得大家要繼續將啲愛心發揚開去，令大家多啲溫暖。」米雪就表示：「見到啲父母特別開心，因為小朋友唔使彎腰趴喺度，咁樣對條腰同成長都唔好，呢張枱就好百變，可以變飯枱同畫室。」
來源 source: http://hd.stheadline.com
|
鍾意就快D Share啦！
|
|
|
