人們總是喜歡將現任和前度做比較，客觀上比較學歷、身材及性格等，通常越「比」越無自信，之不過裕美一向語出驚人，卻越「比」越勇，昨晚裕美跟林作出席選美活動，以一身黑色情侶look示人，狹路相逢，撞正同場的林作前度麥明詩，有「十優港姐冠軍」之稱的麥明詩，身穿黑色露肩谷胸晚裝現身做「最上鏡小姐」評判，見麥明詩刻意悉心打扮，前度與現任一較高下，怎料有報道形容「相比之下平平無奇的裕美」，即觸動林作及裕美的神經。
自爆出「林美戀」後，雖然有傳林媽反對，不過林作仍多次出口護花，對於今次裕美與麥明詩遭比較，林作今日凌晨於IG貼出相關報道，明踩舊愛麥明詩，再把女友裕美捧在手掌心，「裕美真心靚過麥明詩好多，身材也更優勝。素顏顏值也絕對一流。絕非平平無奇，可謂波濤洶湧。今晚乃來當觀眾而已，難道要着到嚟選美咁嗎」。
心直口快的裕美，亦不甘示弱在IG貼出同一篇報道，她續道：「其實好多人問我點解咁多新聞要寫得我寫得咁差，係咪因為我得罪好多人？我本人從來沒有得罪任何傳媒朋友，識我嘅朋友就知道，你對我好我必定會對你好千百萬倍當你真心朋友。」
裕美自言人善被人欺：「對我唔好嘅我只會遠離佢，並不會作出任何聲音，但我從來唔會刻意討好人，我發現有時你太好人，或者你沒有還擊，對家就會變本加厲。呢個係我咁多年嘅經驗，或者人哋覺得我身份卑微，就可以不斷踩我。但我可以話比你哋知，身份卑微唔代表冇能力。」
麥明詩昨晚艷壓群芳，被指整容，她今日以短訊回覆：「而家工作開心，休息更有規律，每週末都行山或者踩單車，可能氣息好啲啩！多謝大家。」對於被林作踩低，捧自己女友裕美，麥明詩說：「不會回應，因為唔想中人圈套。」
之不過林作的護花行為，並沒得到網民認同，不少女網民批評他踩前度的言論欠缺風度，有網民留言：「今次真心唔明，平時都算buy你言論，點解要咁話MMS（麥明詩）？佢都冇發表過啲咩？仲指人身材同樣貌冇現任咁好，未免太冇風度。」另有網民回覆「每次都buy你，但今次人生攻擊真係少咗份尊重」、「你咁樣公開話你前度真係幾冇品」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
