商台前DJ蘇耀宗（細So）驚爆背妻偷食KOL「阿B」，在葵涌租私竇做炮房幽會，孽緣糾纏至今年6月才玩完；阿B好友向《蘋果》爆大鑊，公開細So的偷食證據，撕破他的好好先生假面具。好男人形象破產的細So，晚上接受《蘋果》訪問時，為偷食事件連講7次「對唔住」，公開向太太道歉：「對唔住，呢件事係我做錯咗，我對唔住我太太，我對唔住屋企人，我對唔住信任我嘅人。」
細So指在今年6月，他和太太的社交平台同樣收到惡意留言攻擊，「話要將呢件事公開，直至6月尾，更加收到有人私訊我同太太，話要公開呢件事，令到我名譽掃地冇飯開，同埋要我成家人都冇飯開。」細So指太太之前一直蒙在鼓裡，「太太唔知呢件事，直至收到message，結果我坦白向佢認錯，亦將整件事講晒畀我太太聽。」
為表誠意，細So再三向太太道歉，並求得原諒：「我的確好對唔住我太太，亦都好對唔住我嘅屋企人，不過我太太選擇咗畀多一次機會我、原諒我，希望我哋可以繼續一家人咁樣行落去。所以喺往後嘅日子，我都希望我繼續可以努力咁樣去做返一個好嘅丈夫、好嘅爸爸……（長嘆一口氣）希望佢哋可以重新接受我。」問到和阿B相識經過，他說：「對唔住呀，唉……詳細我真係唔想講太多，唔係我唔想坦白，我已經坦白同我太太講晒一切嘅事，我只不過係唔想再傷害我太太，重提呢件事會令到佢難過。」他承認6月前已經跟阿B分手 :「已經冇再聯絡。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
