【獨家訪問足本版】撕破「花心So」好性真面目 炮友索媽Macy無悔偷嗒人夫
前商台DJ蘇耀宗（細So）驚爆背妻偷食KOL「阿B」兩年半，前晚35歲的「靚媽KOL」練美施（Macy）向傳媒親認是偷食女主角，仲大爆細So要求幫手呃蘇太陳穎楠（阿Wing）成年冇見又冇租過炮房，她痛斥對方從來冇講真話承擔責任，又暗示自己曾為細So做人工流產手術。以為「毀滅式」爆料就此結束？No！事後Macy接受本報獨家訪問時，繼續揭開「花心So」真面目！
談到兩人展開戀情的經過，Macy透露在正式拍拖前的幾個月，細So開始Like及Follow她的社交平台，當時她亦有向朋友講笑稱「覺得好奇怪」。問到細So做了哪件事覺得最感動而決定一齊？她僅答太多，未有詳細交代。那麼認識前對細So的印象如何？她直言：「無咩印象，但身邊有朋友認識，有提醒過我。（提醒你咩？）佢嘅過往。（花心？）嗯。」
追問細So是否貪新厭舊？Macy續道：「只可以話當我發現HPV，佢坦白承認佢同我一齊之前同之前自己主持嘅節目一個參賽者有發生過，但同一時間其實我都喺另一啲人口中聽到同一件事，Plus其實再早之前已經都聽過其他，不過覺得佢坦白咗，覺得佢係想認真交往。（明知佢花心又有老婆仲開始？）因為覺得佢係認真，佢坦白承認，覺得佢會為自己改。（細So朋友知道你存在？）佢話佢無同人講，所以我唔知。」
對於被外界評批有家庭仍出軌，問可覺得自己不對？Macy直言：「我有錯，以為只要有個人肯陪伴自己就夠，亦都會係因為呢樣嘢我接受咗對方嘅愛，只係希望簡簡單單相處就足夠，並未曾要求對方作任何承諾，亦有同對方坦言，明白如果走在一起，就並不會走得遠，因為心裏面好清楚對方，Day 1已經知道唔會『一齊』，但覺得有人陪自己扶持就夠。」
可有後悔跟細So開始這段關係？她說：「如果你講係我同佢之間嘅相愛，我無後悔一切犧牲同付出，因為真心，真心希望我會係佢口中講嘅『佢唯一嘅快樂』，就算後來我知道好多都只係可能氹我嘅說話，但愛一個人，就係要相信佢。佢話過，從來無呃過我，講每一句說話都係真，我信，我唔會用後悔形容。（影響兩個家庭都無悔？）唔係無錯，我家庭方面一路都處理緊，佢無介入。」有否想過離婚跟細So在一起？她又坦承：「想像過，但我知道一齊咗我只會成為下一個她，所以覺得唔一齊係最好，唔想佢要負呢個責任。」
至於想跟蘇太陳穎楠（阿Wing）說甚麼？Macy答：「對不起，最後事情發展去到呢一刻當然會覺得內疚，感到抱歉。」提到聯絡阿Wing，要求對方勸籲細So放手，Macy指對方僅「已讀不回」，並將短訊轉發給細So，問可有考慮到此舉會傷害到阿Wing？她說：「有，但我已經無辦法，因為我知道我點封So都會搵到我。我當時自己已經處理唔到我自己嘅情緒病，只有呢個方法，因為我唔覆佢佢都會Message我．講分開同冷靜佢都唔肯。（因墮胎引發情緒問題？）唔回應。」
|
鍾意就快D Share啦！
|
|
|