袁嘉敏以「半裸性女」拍三級片殺出重圍，經常到大陸夜場登台賺咗唔少錢，又傳過佢被老闆包養，袁嘉敏於2015年更搬到半山住，佢不時在IG晒窗外嘅景色，之不過凡事有得必有失，佢落力演床上戲，卻換來男士戴有色眼睛去看待，佢亦自爆感情生活仍然一片空白，試過靠交友App交月費認識新朋友，同時朋友都有介紹佢去相睇，今個月28號是袁嘉敏的36歲正日生日，眼見工作受疫情影響，大半年冇工開，佢開始心急等上岸。
今日壹週刊報道爆袁嘉敏近日在灣仔的工作室留宿，疑由月租4萬幾嘅半山豪宅搬至月租萬幾嘅灣仔舊商廈，佢死撐係頂唔順半山嘅潮濕天氣先搬走，不過就冇講自己現時住喺邊，自言有想過計劃買一間「姑婆屋」。佢又指以前試過喺片場被迫臨時加戲，要佢除衫演出，而家佢都唔想再拍呢類電影，一來佢有感年紀唔細要搵個伴侶結婚，朋友都有介紹一啲離過婚嘅男士畀佢識，可惜大部份港男可能對佢嘅第一印象先入為主，唔係太想同佢接觸，令佢萌生移民嘅念頭，去加拿大展開新生活。
袁嘉敏早上以短訊回覆《蘋果》有關搬離半山住所嘅報道，佢表示︰「灣仔是我office，都租用了幾年。因為我過往的三個住所(將軍澳，中環，半山)各大傳媒都上過來拍照、拍片、飲茶做訪問，三個住所都全屋公開過，我覺得已比其他藝人所公開的多很多了。以後的住所不想需要公開給公眾，或向公眾表明住址。」佢補充半山曉峰閣住咗接近兩年，後期許多時間都喺大陸工作及外地旅遊，有時一、兩個月都唔喺香港，所以先冇再租住。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
