15年憑住三級電影《鴨王》一脫成名的袁嘉敏，風光時實現「登山」夢想，由中環山腳，搬上半山豪宅曉峰閣。不過近日本刊發現，她的瓦遮頭，由山頂退落山下的灣仔舊式商廈。
一場疫情，她跟許多藝人一樣，工作停頓大半年，對於被本刊發現她連日在灣仔的workshop留宿，袁嘉敏這樣回應:「我覺得有個夠住嘅地方就已經足夠，至於夜晚喺邊度訓，咁私人嘅事我唔會講，覺得無需要交代。」
脫過搏過，上山落山，靠積蓄過難關，能屈能伸，袁嘉敏的實況，正是一個艱難時代的縮影。而她仍有重返半山的決心！
打回原形月租萬三舊樓
近年的袁嘉敏，久不久在社交網post吓出海相、旅行相，生活好chill咁！但原來她已靜悄悄由半山轆返落地面，連日發現她在灣仔商廈外出之後，就返回上址留宿。袁嘉敏的新竇，是30多年樓齡的商廈，一梯兩伙，面積四百餘呎，景觀開揚，以她所租的低層單位，月租約萬三，而且大部分租盤送埋靚裝修，商廈都有家的感覺。從她近期分享的自拍片，背景相信就是灣仔新竇。雖然跟昔日住在四萬租金的半山樓，現在的居所今非昔比，但無異山下的使費，可以為她慳一半有多。
- 近年的袁嘉敏，不時放遊艇性感相，她說因此常被誤會有老細包養出海玩。「其實我只跟一班圈中人出海玩，其中有劉晨芝同黃建東。」
- 本刊發現袁嘉敏連日中午在灣仔商廈外出，黃昏便返回上址留宿，由昔日半山豪宅住客，打回原形做「平民」。
入行前幫陳可辛打工
今個月就踏入36歲的袁嘉敏，華富邨長大，兒時一家住過鐵皮屋，為脫貧她一直力爭上游。深明知識改變命運，故中學半工讀下，儲夠錢便飛往澳洲墨爾本的大學修讀傳理系。可是03年沙士，父母要求她返港打工養家，澳洲求學一年便被迫終止。在重男輕女的家庭長大，不甘心的袁嘉敏回港後繼續半工讀，考入香港大學主修比較文學及電影，同時在導演陳可辛的電影公司任職發行。
選港姐住劏房
09年跑去選港姐，寧住九龍城舊樓劏房，都要自立。當日她的提名人，正是老闆娘吳君如，有指有晚君如駕車送她返家，驚訝她能屈在環境惡劣的劏房獨居。當選贏得「最上鏡小姐」名銜後，她由《東張西望》外景記者做起。雖然有學歷，但袁嘉敏靠的是34D身材上位，10年在大台劇《潛行狙擊》演情婦，隨即由三線藝員變成高登女神。
簽洗米華進駐中環
登上一步，逗住大台的超奀人工，女神仍決定撤離劏房，與一名圈外朋友夾份租住近電視城的日出康城。住址只是門面，屋內簡單幾件由吳君如給她的二手傢俬，袁嘉敏說過，那段歲月，外表風光，很多時交埋租金，糧尾就要捱肚餓。演情婦出位後，13年袁嘉敏不做藝員仔，簽給洗米華旗下的太陽娛樂，進軍影壇同時，她亦進駐嚮往已久的中環地段，那怕只是當半山下的山腳居民。
- 13年離開大台，簽畀洗米華旗下的太陽娛樂，進軍影壇。
《鴨王》一脫登上半山豪宅
不過入影圈初期，因惜肉如金，發展未有突破。15年眼見步入31歲中女之齡，袁嘉敏於是把心一橫，以半裸演出，成為三級片《鴨王》女主角，風頭一時無兩！雖然當女一只是曇花一現，但憑著這套代表作，袁嘉敏一剝脫貧，成為大陸登台騷有市有價的夜場女王，每月至少跑四、五場騷，高峰期更有十場之多，閒閒地月入十幾廿萬。
她亦終於有彈藥住半山，實現夢想，搬入月租近四萬的舊山頂道曉峰閣，當時附近街坊有住帝景園的林峯，及地利根德閣的沈嘉偉，雖然成為豪宅主人，但骨子女袁嘉敏依然是慳妹一名，豪宅內傢俬擺設簡陋，且零裝修。
豪言儲蓄夠撐幾年
近年因為疫情，內地登台工作停頓，手停口停的袁嘉敏睇餸食飯，唯有落山，搬入灣仔商廈，本刊求証她時，袁嘉敏強調灣仔是workshop，至於是否經常留宿，她說:「依家有時候工作到好夜，喺上面休息吓，我覺得無咩問題。至於我係咪晚晚都喺嗰度做到好夜呢？我又唔會透露。」還說一早搬離半山曉峰閣，原因不是無錢，而是受不住半山的潮濕狀況。全年收入大減，她說靠積蓄不愁生活，還豪言儲備足夠她使幾年。「因為未買樓，所以暫時以首期資金維持生活。況且我單身一個無咩開支，其實我唔工作兩、三年都無問題。」袁嘉敏說。未致捉襟肘見，但都要慳住使，難怪見她出入都是搭地鐵，及愛逛平價家品店。
不過她沒有放棄重返半山的決心。「係呀，仲諗緊買唔買樓，當買定一間姑婆屋，要買的話依然鍾意舊山頂道嘅樓。」
不過演藝圈仍處於寒冬期，唔想坐食山崩，袁嘉敏稱想過轉行。「都有考慮，希望做網上生意，因為打工的話，依家好多行業都比較難做。」
- 在三級片《鴨王》一脫成名，從此成為內地夜場女王，密密接登台騷。但一場疫情，內地工作停晒，收入大減，量入為出下，搬離豪宅。
不想剝衫走回頭路
在娛圈打滾十一年，今時今日的袁嘉敏寧願慳啲使，都不想為賺多點，剝衫拍戲走回頭路。「我唔係好想，呢個都係我近年少咗拍戲嘅原因，因為好多時搵我演一啲角色，都係唔太道德嘅戲份，例如勾引別人老公，或者喺酒店房被捉姦！.有時候各種壓力加起來，我就寧願唔做，因為我唔想每一日去到片場，都好似抗爭咁，不停要求我除衫拍多個版本，根本有啲戲係完全唔需要呢啲成份，簽約時亦講明唔需要，但每日去到片場就畀壓力我，要加插除衫場口，呢啲糾纏真係好攰。」拍過三級片，無後台的她常受欺壓。
- 34D的身材，除半裸拍《鴨王》，當然唔少得出性感寫真。
男人見她掉頭走
除得不到尊嚴，亦擺脫不了男人對她的有色眼光。月底便踏入36歲，渴望搵頭好人家，但她說好的男人見到她，會掉頭走！「一年都無一個人會約我出街，好多香港男人都唔肯出嚟見面，連飲杯咖啡都唔肯。朋友已經好努力介紹，而且揀嘅已經唔係條件好好嘅人，唔係話好有錢，或者曾經離婚。上年阿Bob(林盛斌)都有介紹一個，有出嚟相睇，對方五十幾歲，離婚多年，有仔女，但唔係咁鍾意我。」對上前度，已是16年歐洲開酒店的有米外籍男友Kenneth，及緊接老外的金融猛人謝昭平。
袁:無人信我無畀老細包
無人吼都不及外傳被老細包養，令袁嘉敏感到難受。「啲人對我有好大遐想，但無一樣係真嘅。例如我上年去旅行，因為香港好多事，自己都吸過多次催淚煙，覺得想避開一下。去旅行時都係淡季，機票只係三千幾蚊，住幾百蚊一晚嘅酒店房，但好多人會諗我係跟老細去，或者認識新男友，總覺得我係同男人一齊去。我話自己一個人旅行，啲人會擰轉面話唔相信，話我點會有可能晚晚自己一個，啲人總係覺得我過住豪華生活！」
活在別人的有色框架，她想過之後移民加拿大重新開始。「加拿大幾好，同埋比較容易搵到老公，因為當地冇人識我。」
- 36歲，渴望有家庭，但竟然無人吼！她說曾經朋友介紹相睇，但不少男士對她不感興趣，甚至拒絕「建交」。
請即預購《噴火30年壹驚艷 性感女星典藏集》特刊，當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
自取優惠價 港幣$83【按此搶購】
包運費價 港幣$110【按此搶購】
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
