被盜用照片開假帳戶留言鬧爆吳業坤 黎瑞恩：非常可耻
黎瑞恩(小恩子)喺社交網站公開一名男子嘅相片，透露自己遭對方網上冒認，該男子更利用她相片開假Account，現身伍仲衡直播音樂會中攻擊吳業坤，公司正嚴肅處理事件，黎瑞恩形容係作出唯恐天下不亂，非常可耻嘅破壞行為。而她接受頭條訪問時強調自己絕對冇嬲。「我一啲都唔嬲，我又唔識佢，都唔知佢嬲乜！從呢件事啟發到，天網恢恢、疏而不漏，唔好做不法行為。」
小恩子發文公開嫌疑人相說：「借問聲我同你係咪有十怨九仇呢？𠵱家科技好發達㗎！你嘅無聊到極嘅行為已經火速畀人起咗你個底！咪以為匿喺背後做埋呢啲鬼祟嘢就神不知鬼不覺，用人哋嘅照片做埋呢啲不法事，係觸犯刑事法例㗎！咁得閒咁無聊建議你倒不如去做吓善事幫吓有需要嘅貧苦大眾，做吓對社會有意義嘅事，亦可以睇吓書，開啟吓智慧，唔好再做Stupid Guy放下怨氣，回頭是岸呀！施主。其後她又再補充說：「如果我鬧人都唔會自己擺個樣出嚟啦，死蠢。」
來源 source: http://hd.stheadline.com
|
鍾意就快D Share啦！
|
|
|
