2020年10月15日星期四

出席華鼎獎晒香肩好省鏡溫碧霞戥任素汐奪影后好緊張 #溫碧霞

出席華鼎獎晒香肩好省鏡溫碧霞戥任素汐奪影后好緊張

就算只係出任頒獎嘉賓，但盛裝打扮的溫碧霞相當搶鏡。

身穿白色露肩晚裝溫碧霞(Irene)昨晚出席在澳門舉行的「第27屆華鼎獎頒獎典禮」，擔任「最佳女主角」頒獎嘉賓，就算Irene唔係得獎者，但省鏡及矚目程度沒有比下去。Irene恭賀出爐影后任素汐，大讚實至名歸，出席完頒獎禮後，再折返內地繼續工作，行色匆匆。

Irene今年憑電影《墮落花》女毒針角色獲愛爾蘭影展「最佳女主角」，成為國際影后，Irene表示被獲邀出擔任「華鼎獎」頒獎嘉賓，已經非常滿足：「我都好期待有朝一日能企喺華鼎獎舞台上奪獎，暫時就先做頒獎嘉賓，不過剛才宣布最佳女主角名單時，我心情都好緊張。」

今年可算是Irene豐收一年，亦重踏錄音室灌錄廣東歌《Make You Smile》，在疫情中發放正能量，Irene又開心公佈好消息：「啱啱收到《VIP音樂榜頒獎禮》通知，《Make You Smile》有份入圍角逐十大歌曲獎，而《水的個性》就有份入圍角逐經典歌曲獎，有份入圍真係好開心啦。」因為疫情關係，《VIP音樂榜頒獎禮》將於11月8日改在網上舉行。