黃智雯、馬國明、蔡思貝、張振朗及袁偉豪今日為劇集宣傳，袁偉豪前日升呢做億萬「底褲大王」女婿，而37歲黃智雯早前亦漏口風，講明準備好隨時結婚，與拍拖近8年的圈外男友詹天文拉埋天窗，她更早已進駐男友位於東半山價值2,000萬豪宅。
被問到有否考慮人生大事，黃智雯表明恨嫁：「我哋兩個都有好深嘅默契，一定會朝着呢個方向，呢個係我哋嘅目標，因為我係一個典型嘅女性，希望有一個好嘅家庭，所以一定有機會嘅，但係我覺得係順其自然咁發生。」講到她出道13年，幾乎沒緋聞，她笑言性格比較容易同異性friend，同埋都想給另一半安全感。
講到袁偉豪與張寶兒拍拖3年就結婚，Mandy都替他開心，袁偉豪今日戴戒指現身，他稱收到許多人祝福，正在習慣新婚生活，以後就可以大方拖手，畀大家叫袁生袁太。問到婚禮當日有沒有喝醉，袁偉豪說：「夜晚係同家長食吓飯，大家都攰，我都係淺嚐飲吓酒，開心一下就返去瞓，當日大家都好早起身，家長都會肚餓，好頭好尾食埋飯，儀式就完。」
袁偉豪又指昨天休息一日，老婆張寶兒早上6時要出門工作，袁偉豪亦有陪老婆起床：「我有幫佢打理日常工作嘅嘢，之後佢出咗門口，我先返去再瞓，感覺就係身為人夫嘅責任，一有時間就要多一對手去support吓佢，亦好似做咗人老竇嘅感覺，好似湊小朋友都係咁。」
此外，馬國明提到在台慶大合照後，在台上跟女友湯洛雯拖手放閃，馬國明解釋：「嗰日佢有一邊裙好長，加上佢對高踭鞋太高，有兩次喺台上踩到條裙，差啲跌親，我就拖住佢行，唔係特登拖住佢，之後喺台上就未必拖手要睇情況，私下情侶拍拖就一定拖住。」對於靚湯被指幸福肥，馬國明直言：「我又唔覺得，咁觀眾睇女仔上鏡係比真人肥，我望佢真人又唔覺得佢肥，而家我覺得啱啱好，因為健康最重要。」馬國明稱跟湯洛雯拍拖半年，暫時再相處一下，他笑言：「我哋都係朝住呢個方向去諗，我聽講佢爸爸唔想個女咁快嫁，屋企人都冇畀壓力我，真係時機到，我哋都會同大家講下一部係點做。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|