爆劉青雲追他當年女友
57歲的邵仲衡，六年前回歸娛樂圈，神劇《大時代》的丁孝蟹甫復出，敢言兼平易近人，頗受年青一代歡迎。事實，年青時的邵仲衡外型高大，也有不少女朋友，曾經跟娛圈女神邱淑貞拍拖，直至女方選擇入電影圈成王晶愛將，當年兩人才分手。多年以後，雖然早已有家庭，但對前度，邵仲衡還是坦率敢言，指女方認識另一個世界，人望高處理所當然，他也從來沒怨言。至於當日跟另一大台花旦女劉美娟拍拖，他又爆料當時劉青雲跟他一起合作《大時代》，卻背後力追他的女友，甚至對他無故面黑，可謂戲劇性十足。
「因為事實當時係咁發生，不過唔緊要，我覺得隔咗多年都可以講。老實講，唔好講香港娛樂圈，邊度一樣，除咗我哋鄰近國家之外，好多嘢唔夠膽講，而家大部份，無論歐美、日本、韓國都係一啲好有自己見識或者見地演員，都好受歡迎。」他說。
- 男、女、男的配搭應該是個「嬲」字，事隔多年，邵仲衡認為可以將事情講出來，因為說的都是事實。
- 當日兩位正在合作《大時代》，他說有日劉青雲的態度突然改變「講嘢衰衰咁」，事後跟女友劉美娟提起，才知道對方正在追自己女友。
- 邱淑貞轉投電影圈，的確大放光芒，成為一代性感女神。
估唔到李麗珍得過影后
難怪過去兩年，香港娛圈面臨寒冬，他雖有影響，卻一直接到工作，剛播完的《暖男爸爸》，他跟張可頤飾演一對離婚夫婦，卻又發現依然愛着對方。兩個在無綫工作過的大台人第一次碰頭，話題總不離當日如何捱更抵夜，拍劇等辛苦史。邵仲衡表示遇到心中女神：「有種他鄉遇故知感覺，因為大家都係嗰個系統訓練出來，亦經歷過洗禮，反而我會睇得到係，喺佢身上嘅反應，或者處理工作上，會見到原來自己咁樣嘅話，人哋會覺得出嚟效嘅果係咁樣。當然有好亦有啲無咁好。」他強調對方是好對手，合作得好開心。
但提到視后級演技，他又十分坦白：「係咩？我唔覺得佢係喎。」他解釋：「喺我立場，因為嗰個時代我在大陸拍戲，又唔會了解邊個成為視后，只會關心好唔好睇，同埋我睇嘅都係國內劇集，所以覺得有啲奇怪，佢本身係一位女神，不過我又唔係好了解。同埋你知道我喺TVB出身，嗰啲選舉準則，同你究竟係咪續約，或者有好多直接關係。例如有咩嘢人演技好與壞，大家心知肚明就算啦。」
同樣在戲中演過他太太的李麗珍，他也有評價：「李麗珍都係影后，你都估佢唔到，唔知道佢原來係影后。我反而唔會在意呢樣嘢，而係大家做出嚟產品究竟好唔好？唔好的話，咪大家做好佢囉，樂趣亦係咁樣而嚟。」
- 李麗珍跟邵仲衡早在《大時代》已合作飾演情侶，劇中有不少親熱戲。
- 他回歸電影圈，兩人在戲中又碰頭，並再續前緣飾演夫妻，算是老拍擋。
- 99年，李麗珍憑許鞍華執導的《千語萬語》獲金馬獎最佳女主角。
- 他跟張可頤在電視劇《暖男爸爸》扮演離婚夫妻，分手後發覺仍愛着對方，他形容是個難得角色，很多發揮機會。
被舞台劇導演請離場
邵仲衡既可以平易近人，又不會人云亦云刻意迎合你的想法。他早前演舞台劇，因為沒有一字不漏跟足劇本對白，在排練時被邀請離場，現在回想，他認為尊重別人的規矩很重要。「我畀人捉過出去，搵副導演同我對對白，話我唔可以改。我心諗，佢自己都知道我出嚟做戲嘅時候，佢仲係小學生，但佢有咁嘅權力，認為咁樣做先至啱。然後我就照做，照樣滿足你，同副導演逐個字背晒佢。當然會有少少唔舒服，但問題唔緊要呀，佢有佢哋嘅準則，除非你唔參加，試吓用佢哋嘅準則，可能得到一啲得着，最多下次唔玩囉。」他憶述。
做了多年生意，早已經無經濟壓力的邵仲衡，這數年回歸拍劇拍電影，他說可以不用顧及其他，完全享受演戲過程，所以寧舍開心。
與此同時，他也有更多時間跟在社交平台新認識的粉絲互動，成為他們的心靈雞湯：「我唔係專登，就算未返入嚟呢行，喺FACEBOOK都係咁寫嘢。其實當中咩人都有，有啲已經移咗民。對自己嚟講，都係開咗新嘅窗。」
失驚無神要通電
過去兩年，他說社會氣氛影響不少人，他曾經通過社交平台開解自閉症，情緒突然失衡的粉絲，接觸從未接觸過的事情。「試過有個移咗民嘅粉絲，失驚無神叫我打畀佢，即係話你唔打畀我，就會點點點嗰種，又話會有危險。又有個喺澳洲，我見佢平時好聰明，寫啲嘢好有建樹，但失驚無神寫一段咁嘅嘢，我都試過聯絡對方，然後第二日佢就無事。」他說。
邵仲衡說自己年紀大經歷多，應該學以致用跟大家分享心得，否則浪費了人生。 ----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|