由唱作歌手周國賢同《出貓特攻隊》的泰國演員查朗桑提納托古（Chanon Santinatornkul）合作演出、ToNick主音趙善恆執導的電影《一秒拳王》，該片早前獲選為香港亞洲電影節閉幕電影。戲中演拳手的周國賢挑戰拳王查朗，在10個回合拳來拳往的競技中，打出一段無悔青春的熱血。不過在煞科的拳擊戲份，周國賢意外被查朗的手踭批中，即時血流如注，要到醫院縫8針，右眼角留下疤痕。
周國賢拍片憶述受傷過程並且講出感受，他說︰「其實我day one已經知道，我睇片未認識查朗嘅時候，好多人話佢出拳好快、好準、好重。直到同佢打嘅時候，佢啲速度可以用《屍殺列車》嚟形容，真係好恐怖！佢衝埋嚟啲步又重，『嘭嘭嘭』，又快，其實好大壓迫感。」
短片中見周國賢同查朗埋身肉博，查朗連環出拳，事實都是以機位遷就，雙方未有真正接觸。數拳過後查朗打出一記左勾拳時，只見周國賢忽然低頭叫停，他回想說︰「嗰一刻我完全唔知道俾佢打中咁認，直到嗰幾拳完咗之後，嗰頭上返嚟，突然覺得有啲『水』唔知邊度滴落嚟，望一望拳套係紅咗。」有爆缸經驗的周國賢知道出事，但仍未知嚴重，當見到在場工作人員都面青青，導演趙善恆急急腳行過來時，先意識到大鑊。 最後一行人到了醫院，經診治後縫了8針。
不過好戲還在周國賢回到片場看重播︰「返到片場睇返條片，先知道個傷口好深同闊，我都唔知點形容，自己睇到都寒。」周國賢見到查朗充滿懊惱的表情，還反過來安慰對方，明白大家都是想做好本份，所以由始至終沒有嬲過對方。反而驚自己狀態影響進度，開會後決定將這段真受傷情節變成劇情。到現在周國賢右眼角傷口結了一條疤。
另外，憑《邊緣人》贏過金馬獎最佳導演的章國明，昨日在facebook專頁貼出女兒Ashley跟周國賢及查朗的合照，原來Ashley是《一秒拳王》的編劇；此片已安排於12月3日下星期四上映。
來源 source: http://hk.appledaily.com
|
鍾意就快D Share啦！
|
|
|
