2020年11月25日星期三

【暖男老公】隔離前都要煮定愛心餐蕭正楠擔心翠如食唔飽 #蕭正楠 #黃翠如

【暖男老公】隔離前都要煮定愛心餐蕭正楠擔心翠如食唔飽

蕭正楠隔離前都擔心個老婆會冇啖好食，整定愛心餐放入雪櫃。

因為曾經戴口罩接觸過確診者，蕭正楠入咗隔離中心隔離，一度擔心到爆喊嘅黃翠如昨晚喺限時動態上載煮麵照片，笑指在雪櫃發現8隻雞翼，Tag阿蕭問自己吃了3隻後，還剩多少隻雞翼？原來呢啲係暖男老公入住隔離中心前為她做定的愛心餐。

今晚蕭正楠電話接受《東張西望》時再報平安，表示身在竹篙灣隔離中心，由於隔離14天，自己帶咗啲書，又會聽吓歌，又帶咗少少器材嚟做吓運動：「因為今次走嘅時間比較長，臨走時都煮多咗啲餸菜放喺雪櫃，等翠如可以翻熱嚟食，希望佢可以好好照顧自己，唔使擔心，我好快完成隔離之後就會返出嚟見佢。」嘩！乜都以老婆行先，咁錫個老婆真係Sweet到爆呀！