張敬軒將於紅館開演唱會，今日宣佈加場，但他似乎好輕鬆，日前撰長文講睇《全民造星III》觀後感，今日又再化身「早餐界KOL」，公開工人姐姐最新「傑作」，硬到有聲的吞拿魚三文治。
軒仔早前已「炫耀」新聘工人姐姐精心炮製的7日早餐，令大家笑爆嘴。今早再有新菜式，看上去賣相不俗，但他拍了一條有聲片，用麵包敲擊碟邊，竟然發出「哼哼」聲！軒仔寫道：「阿大人就幫我攞個包出嚟，我覺得都開心嘅，因為終於有其他顏色嘅嘢喇。跟住咧，我就攞起個包喇喎，介紹返羅湖直通包，喺港島掟到上羅湖都唔爛！我有食曬，因為下一餐要等到癲拿先有時間食。我冇硬，不過個包有！你畀把刀我做乜鬼唧？擺低把鋸吖嘛！BTW，個包個Key係E6，好似係，除非唔係！包壇靚聲王！個包鏗鏗鏗鏗聲，唔知是咪賀許廷鏗出碟呢？碳水達人載譽歸來，熱狗變硬狗，我食到硬狗狗！」
身為「星級牙醫」的許廷鏗看到留言都表示會幫忙：「喂……咁硬嘅……我幫到你呀……棚牙！」胡定欣亦加入戰團笑軒仔：「知你鍾意硬嘢，幫你『看底』呀蛇。」阿Sa蔡卓妍、周家怡都有疑問：「點解可以咁硬嘅？擺咗入冰箱？！」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|