今日姚子羚在將軍澳出席宣傳活動，被問是否跟前度Raymond復合，姚子羚即大耍太極迴避：「感情事就唔想再回應，要講嘅之前都講過，希望大家畀番啲空間我，可以多多留意我嘅工作，就算往後嘅感情事點都好喇，我都唔係太想回應，因為一向我處理感情事好低調。」
問到有否看到男友Raymond跟𡃁模許珮榆Diva摸手仔，姚子羚坦言：「冇刻意留意其他嘅新聞，如果係關於別人嘅新聞，呢啲最好係問番當事人，有時唔可以單憑傳媒角度去睇，係唔係事實嘅全部，我唔知喇！」問及是否想保護另一半才決定感情事變低調，子羚說：「感情事對我嚟講係好秘密，入行咁耐，我都冇乜講感情事，識我嘅人都會知，我都好少緋聞，呢個係我嘅風格，希望呢啲事只有我自己知道，最secret嘅位，唔係唔想同大家分享，不過我覺得喺一個時機成熟適當，如果有一日我結婚步入教堂，遇到真命天子，我會好願意話畀大家知。」
正忙着拍攝《金宵大廈2》及照顧小朋友的陳山聰，坦言每日都過得很開心，即將播出新劇，山聰與姚子羚有感情戲，對於最近有指姚子羚跟舊男友復合，他就表示不知情：「呢個我真係唔知，好老實講最近冇乜點睇過新聞，因為顧住拍劇，一陣都要趕去劇組開工，跟住又要照顧小朋友，不過無論點都好，佢私人感情佢會識得處理，我識咗子羚咁多年，佢係一個好爽、好直、好男仔頭嘅女仔嚟，希望大家都畀到空間佢，我都希望佢快啲搵到個真命天子可以成家立室。」
問到山聰做爸爸後拍親熱戲有沒有顧慮，他說：「反而工作更冇負擔，因為老婆係好開通嗰種，佢已經跟住我7年，知道我嘅工作係乜，好放心我去開工，所以我冇乜壓力，佢冇畀負擔我，令我每次工作都可以全情投入，呢樣嘢係好感恩、好開心。」山聰又指早前因為不懂幫囝囝改英文名，故找來單立文與胡蓓蔚幫忙，之後決定採用Jacko這個名字：「因為好少人用，J同我英文名第一個字一樣，A係Apple（即山聰老婆英文名），C就係Chan，幾有意思。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|