許廷鏗（Alfred）於今年初TVB錄影一年一度的「勁歌金曲頒獎典禮」時，卻選擇踏入ViuTV參與慈善節目，明剃娘家眼眉。巨聲幫出身的他，入行11年最大轉捩點是2017年約滿大台旗下的星夢跳槽到華納，他日前接受商台《1圈圈星光背後》訪問，談到當年有傳星夢為他舉行處男紅館騷作出挽留條件，但Alfred情願等到去年出道10周年、轉公司後才首登紅館，他坦言當時感覺自己未準備好踏上紅館。
至於轉會後歌曲沒在《勁歌》上榜，在大台曝光率近乎零，他直言決定轉會時也有想過會被封殺：「但每個選擇都要對自己負責，結果一定有辣有唔辣。我好多謝而家嘅唱片公司好早就睇到我喺音樂上嘅發展。一間係電視台，一間係唱片公司，而當我專注想行音樂，一定會選擇一間會尊重我嘅創作或音樂人嘅唱片公司。」
Alfred當時決定離開，他自言曾有過爭扎，最初很不適應，以前工作安定，所有事情都有經理人處理，但到某一刻自知再這樣下去就一世，只會原地踏步，臨走前一段時間，巨聲幫其他人都要去拍劇，他自己不是不想拍劇，只是心虛覺得做歌手的定位也未做得好，如今終於可以打破舒適圈。對於從前唱大量劇集歌，他表示不會抗拒，其實是各取所需。
另外，Alfred提到新專輯找來新作曲作詞人合作外，還請來神級填詞人林夕坐鎮，二人交情源起於2016年一曲《我的志願》，今年武漢肺炎疫情爆發前，他就到過台灣探望夕爺。近年林夕的作品因為種種原因產量減少，今年發表的作品中，其中4首就為Alfred的新專輯而寫，他說：「最初《慌》一曲唔係搵夕爺寫，但諗嚟諗去，最知道我內心恐懼一定係夕爺。夕爺好鍚我，打電話畀佢就一口答應。最近我哋傾咗次電話，講到天南地時，佢忽然話『我要講一句感激』，呢句對我嚟講實在太重喇！我話反而要感激佢，佢咁嘅地位，肯理解我呢個後輩嘅心路歷程，再將我嘅心思變成文字，我先係要講感激嗰個。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
